Чистиот воздух како луксуз: Хотелите повеќе не се фалат со „all-inclusive“ понудата, туку со системот за вентилација
Филтрациите на воздухот со ХЕПА го најдоа своето место тука, како и плазма системите за прочистување, бидејќи „чистиот воздух“ е нешто што луѓето сега го очекуваат, можеме слободно да кажеме дека стана луксуз.
Откако избувна пандемијата на вирусот ковид-19, прочистувањето на воздухот стана императив во сите услужни објекти, доколку сакаат да привлечат гости и да одржуваат деловни активности.
Нов тренд кај хотелиерите е „рекламирањето“ на чист воздух, поточно, ланецот хотели и одморалишта „The Leela Palaces“, започна со промоција придружена со пораката „Дишете ја среќата додека престојувате во палатата“, со „Breathe“ – нашиот нов систем за прочистување на воздухот.
View this post on Instagram
Внатрешноста, богатата „all-inclusive“ понуда, базени, бањи, врвна услуга, технологија, модерни простории и слично – моментално се во втор план. Во 2021 година, најважно е сè уште каде ќе престојувате – колку е тој простор е чист и безбеден.
Додека делумните блокади сè уште се на сила, а луѓето се желни да патуваат, хотелиерите бараат нови начини за привлекување гости и одржување деловни активности, па сега тие нудат специјална понуда: воздух без вируси, т.е. кој е прочистен.
Филтрациите на воздухот со ХЕПА го најдоа своето место тука, како и плазма системите за прочистување, бидејќи „чистиот воздух“ е нешто што луѓето сега го очекуваат, можеме слободно да кажеме дека стана луксуз.
Во хотелите, протоколите за дезинфекција се, секако, задолжителни цело време, иако сега поентата е да се биде најдобар во тоа – да се применуваат системи за итни случаи, иако не е 100% докажано колку добро прочистениот воздух помага да се елиминираат вирусите.
Американската асоцијација на инженери за греење, ладење и климатизација вели дека, во врска со различните технологии за чистење или дезинфекција на воздухот, биполарната јонизација е најмалку истражувана, поточно, има помалку документирани резултати досега во однос на чистењето.
Сепак, хотелите можеби ќе треба да работат малку повеќе за да ги намамат клиентите. Многумина ќе продолжат да патуваат, како и досега, само кога вакцинацијата ќе стане масовна.