Менекени го обвинија дизајнерот Александер Ванг дека ги дрогирал и силувал ФОТО

Славниот американски моден дизајнер Александер Ванг (37) се соочува со сериозни обвиненија за сексуален напад, откако неколку манекени на социјалните мрежи јавно кажале дека дизајнерот ги дрогирал, а потоа и сексуално ги искористил, пренесува „Дејли мејл“.

Неколку манекени го обвиниле њујоршкиот дизајнер дека е “сексуален предатор”, а некои рекле дека Ванг им ставил дрога во пијалакот и потоа сексуално ги искористил.

Александер Ванг станал познат и по своите забави на кои се собираат ѕвезди, уште од 2005-та година. Не одговорил на овие обвиненија.

Обвиенијата против Ванг станале вирални, откако биле споделени на Инстаграм од страна на здружението на модели:

„Александер Ванг е сексуален предатор, многу машки и транс модели јавно излегоа со обвиниенија за сексуално злоставување кое им го нанел Ванг. Важно е да им се покаже поддршка на овие жртви така што ќе престанете да го следите Ванг и ќе ја бојкотирате неговата линија на облека“, се наведува во текстот.

Во објавата има видео од еден машки модел кој тврди дека во 2017 година Ванг го допирал.

– Во еден момент го искористи моментот на метеж и ме допираше во пределот на препоните. Кога видов дека станува збор за него, едноставно замрзнав. Полека почнав да се повлекувам. Не можев да поверувам што прави – рекол манекенот.

Уште шест мажи се појавија со своите приказни за злоставување од страна на Александар Ванг.

Здружението на модели навело:

„Да бидеме јасни: Недостигот на транспарентност и одговорност во модната индустрија ги прави моделите ранливи и подложни на злоставување, без разлика на нивниот пол.“

Откако манекени го обвинија славниот дизајнер Александер Ванг за недолично однесување, портпаролот на неговата компанија одби да даде коментар.

FOTO:Instagram/Wikipedia

FOTO: https://www.pedestrian.tv