Во Бугарија вчера имало 106 смртни случаи од ковид-19

Во Бугарија во изминатите 24 часа потврдени се 3.816 новозаболени со ковид-19 врз основа на 8.826 тестирани лица.

Во изминатото деноноќие регистрирани се 106 смртни случаи. Тоа е првпат од почетокот на епидемија во Бугарија да има над сто починати луѓе од последици од новиот коронавирус.

Во Бугарија во моментот има 51.922 активни случаи.

Од почетокот на епидемијата во земјата се регистрирани 78.976 заболени лица, а починаа 1.771 човек.