ПРЕТСЕДАТЕЛСКИ ИЗБОРИ САД За победникот ќе одлучат Флорида, Џорџија, Пенсилванија, Тексас, Северна Каролина и Охајо
Според резултатите, во моментов Бајден води со 132 електорски гласа наспроти 92 на Трамп. Но, во клучните држави се води мртва трка.
Жестоката и неизвесна битка во сојузните држави Флорида, Џорџија, Пенсилванија, Тексас, Северна Каролина и Охајо ќе го одлучат победникот на претседателските избори во САД.
Во моментов, 4 ноември 2020 година, околу 4 часот наутро по македонско време, Доналд Трамп, кандидатот на републиканците, има победа во Индијана (11 електорски гласови), Тенеси (11), Алабама (9), Јужна Каролина (9), Кентаки (8), Луизијана (8), Оклахома (7), Мисисипи (6), Арканзас (6), Западна Вирџинија (5), Небраска (5), Северна Дакота (3), Јужна Дакота (3) и Вајоминг (3).
Демократот Бајден ги освои Њујорк (29 електорски гласови), Илиноис (20), Њу Џерси (14), Вирџинија (13), Масачусетс (11), Мериленд (10), Колорадо (9), Конетикат (7), Род Ајленд (4), Њу Мексико (5), Далавер (3), Вермонт (3) и Колумбија Дистрикт (3).
Според резултатите, во моментов Бајден води со 132 електорски гласа наспроти 92 на Трамп.
Но, државата Флорида носи 29 електорски гласа, Тексас 38, Пенсилванија 20, Охајо 18, а Џорџија 16. Во повеќего од овие сојузни држави се води мртва трка, со предност на Трамп.