Ѓоковиќ „давал“ изјави и интервјуа без негово знаење, се огласи и неговиот адвокат

Името на најдобриот светски тенисер Новак Ѓоковиќ деновиве било злоупотребено за една огромна измама поврзана со криптовалути на интернет.

Адвокатот на српскиот тенисер, Горан Драганиќ, потврди дека на социјалните мрежи се појавиле голем број лажни изјави на Ѓоковиќ, а кои биле поврзани со криптовалутите.

– Деновиве на социјалните мрежи се појавија огромен број интервјуа и лажни изјави на Ѓоковиќ поврзани со криптовалутите. Ова не е шега и станува збор за сериозна измама, сторителите засега се непознати и очекуваме брзо да се најдат и да си ја добијат казната – изјави адвокатот.