Мајката и синот од Велес се починати во март, а не во јануари

Министерот за здравство, Венко Филипче на денешната прес-конференција потврди дека пристигнат е извештајот на двајцата починати од Велес кои беа најдени во својот дом.

– Според информациите од Судска медицина, констатирано е дека смртта на мајката и синот од Велес е настаната 3 до 5 недели, поточно во текот на март, а не во јануари, како што иницијално тоа што беше објавено, па поради тоа нема посебен интерес да се направат дополнителни испитувања поврзани со ковид-19 – рече Филипче.

Тој додаде дека останува сега Институтот за судска медицина да ја потврди точната причина за настанувањето на смртта кај двете лица.