Рекордни 36,7 милиони Французи го слушале Макрон кога им рече дека ќе седат дома до 11 мај
Телевизиското обраќање на Емануел Макрон постигна апсолутен рекорд на гледаност, откако го гледале 36,7 милиони Французи, односно 94,4 отсто од сите гледачи, јави дописникот на МИА.
Овој апсолутен рекорд на гледаност е поголем и од финалето на Светското првенство во фудбал. Во Париз за време на говорот е забележано и намалување на потрошувачката на вода.
Можеби ќе ве интересира
При ова обраќање францускиот претседател соопшти дека мерките на ограничување ќе траат до 11 мај.
Претходното обраќање на 12 март го следеле 25 милиони гледачи, додека на 16 март 35,3 милиони, а директното обраќање од болницата во Мулуз на 25 март 24 милиони Французи.