🎥СТРАОТНА ПОПЛАВА ЗБРИША СЕЛА ВО НЕПАЛ Властите стравуваат од голем број жртви

Силна ненадејна поплава го погоди хималајскиот регион на Непал, по должината на границата со Тибет, каде што водата однесе села и сериозно оштети патишта, мостови и енергетски проекти. Властите предупредија дека се можни многу човечки жртви.

Официјалните лица велат дека најтешко погодени области се Сјапру Беси и Тимуре во планинскиот округ Расува, каде што живеат околу 50.000 луѓе. Жителите што живеат по бреговите на реката Бхоте Коши се повикани да се засолнат на повисоки места.

– Имаме извештаи за уништени села и градилишта на инфраструктурни проекти – рече администраторот на округот Нарендра Паријар.

Тој додаде дека може да има многу жртви и голема материјална штета, но дека во моментов не може да го потврди ова.

Министерството за водни ресурси на Непал соопшти дека хидроцентралите, патиштата и мостовите се меѓу оштетената инфраструктура. Поради овие штети, снабдувањето со електрична енергија е прекинато во погодената област.

भोटेकोसी नदी रसुवामा तिब्बत तर्फबाट ठुलो बाढी प्रवेश गरेकोले अर्को सूचना नआउँदासम्म त्रीशुली नदीको तटिय क्षेत्रका जिल्लाहरु नुवाकोट, धादिङ, चितवन, गोरखा लगायतका स्थानहरूमा उच्च सतर्कता सहित सुरक्षित स्थानमा रहन अनुरोध छ। pic.twitter.com/Zun6icZZCM

— Nepal Police (@NepalPoliceHQ) August 26, 2026

Премиерот Балендра Шах потврди дека спасувачките екипи, полицијата и војската се испратени на терен за да обезбедат помош.

– Издадени се упатства за преместување на луѓето од ниските подрачја на безбедно место. Им советуваме на жителите покрај реката да бидат исклучително внимателни – рече Шах.

Severe flooding has engulfed an entire village in Nepal pic.twitter.com/52DRxyMRdm

— Surajit (@surajit_ghosh2) August 26, 2026

Причината за поплавата сè уште не е јасна.

Се потсетува дека минатогодишната смртоносна поплава на истата река беше предизвикана од излевање на ледничко езеро.

Реката Бхоте Коши извира во Тибет и се влева во реката Тришули во Непал, која се влева во Индија како река Гандак.

नेपाल के रसुआ जिले में तिब्बत से अचानक आई भीषण बाढ़ ने भारी तबाही मचाई है. टिमुरे बाजार और रसुवा सीमा नाके के कस्टम क्षेत्र में वाहन और अन्य सामान बाढ़ के तेज बहाव में बह गए हैं. कई जलविद्युत परियोजनाओं और बस्तियों को भी नुकसान पहुंचने की भी खबर है.
Nepal #Nepal pic.twitter.com/pK2OPcuLa3

— Kishor Joshi (@KishorJoshi02) August 26, 2026

Девет лица загинаа во поплавувањето на реката Бхоте Коши минатата година, додека 24 сè уште се водат како исчезнати. Потоа беше уништен и Мостот на пријателството што ги поврзува Непал и Кина, што ја блокираше трговијата и сообраќајот неколку месеци. Регионалната агенција за следење на климата објави дека катастрофата е предизвикана од излевање на супраглацијално езеро во Тибет.

Terrifying flood situation caught on camera in Rasuwa, Nepal pic.twitter.com/DTXFbudnDB

— Surajit (@surajit_ghosh2) August 26, 2026