СЛЕДУВААТ МНОГУ ЗАЕДНИЧКИ ИНИЦИЈАТИВИ Муцунски се сретна со Рубио во Брисел
На средбата беа разменети мислења за актуелни прашања од заеднички интерес, како и за соработката на билатерално ниво и во рамките на НАТО Алијансата, соопшти МНР.
Министерот за надворешни работи, Тимчо Муцунски, денеска во Брисел, на маргините на состанокот на министрите за надворешни работи на НАТО, оствари кратка, но продуктивна средба со американскиот државен секретар, Марко Рубио. Станува збор за нивна прва средба по неодамнешното именување на Рубио на оваа функција, соопшти МНР.
Можеби ќе ве интересира
На средбата беа разменети мислења за актуелни прашања од заеднички интерес, како и за соработката на билатерално ниво и во рамките на НАТО Алијансата, се додава во соопштението.
„Се согласивме за важноста од натамошно интензивирање на политичкиот дијалог на високо ниво. Следуваат многу заеднички иницијативи“ напиша министерот Муцунски на социјалните мрежи.