📽️ САМО ВИКТОРИЈА БЕКАМ МОЖЕ ДА ТРЕНИРА ВО ШТИКЛИ Во кожена сукња и високи потпетици се качи на степер
Викторија Бекам повторно привлече внимание со својот необичен стајлинг – овојпат вежбаше на степер во долга бордо кожена сукња, розева блуза и екстремно високи потпетици, само неколку дена пред нејзината ревија во Париз.
Викторија Бекам очигледно не дозволува ниту тренингот да ѝ го наруши беспрекорниот моден имиџ. Дизајнерката објави видео на кое вежба на степер, но наместо спортска опрема, таа избра комбинација како за модна писта.
52-годишната Викторија носи долга бордо кожена сукња, розева блуза и високи потпетици. Со пуштена коса и средена шминка, таа полека се качува по степерот, додека нејзиниот сопруг Дејвид ја снима целата ситуација.
– Изгледа дека си подготвена – се слуша како ѝ вели Дејвид во позадина, на што Викторија одговара со насмевка.
View this post on Instagram
Видеото го објави во пресрет на Модната недела во Париз, која трае од 28 септември до 6 октомври. Викторија е таму поради својата модна куќа, а на 2 октомври треба да ја претстави новата колекција за сезоната пролет/лето 2027.
Необичната комбинација повторно потсети на нејзината препознатлива љубов кон високите потпетици. Викторија со години важи за една од најпрепознатливите љубителки на елегантни обувки, а токму нејзиниот личен стил е тесно поврзан и со естетиката на нејзиниот моден бренд.