ПОРОДУВАЊЕ ДОМА: ДА ИЛИ НЕ? Предности, ризици и искуства од раѓањето во домашни услови
Породувањето во домашни услови во многу земји е одамна веќе право на избор. Кај нас неодамна се појави информација дека бабица од соседна држава пораѓа жени во домашни услови, а ние наидовме на голема дискусија на оваа тема на женските форуми на интернет, иницирана токму од скопјанка која, наводно, се породила дома
Откако пред околу еден месец, доктор Ненад Лазаров на својот Фејсбук профил напиша дека има информација дека акушерка од соседна држава доаѓа и пораѓа трудници во домашни услови во Скопје и ги предупреди идните мајки да не си играат со својот и со животот на своите неродени деца, оваа тема беше актуелизирана на женските форуми од скопјанка која напиша дека своето второ дете го донела на свет во домашни услови и дека ова било прекрасно искуство.
„Многу жени се пораѓаат дома тука кај нас во Македонија иако и јас не знаев. Инаку, да, раѓаш дома и после си одиш во болница на преглед за да се пријави легално детето. Зборев и со адвокат, ние жените не сме робови на системот и имаме право да се породиме каде сакаме. Нормално, ако е сè во ред со мајката и со целосната бременост“, напиша таа.
По ова жените развија дискусија и повеќето беа против породувањето дома, но истовремено беа и сомничави кон жената која ја отпочна темата, па ја обвинија дека е на форумот „само за да врбува жени за породување во домашни услови“, а во интерес на споменатата бабица која наводно доаѓа од соседна држава.
Дали е ова точно или не, сè уште не успеавме да утврдиме, но знаеме дека домашното породување во светот е одамна веќе право на избор. Во случајов за кој предупреди доктор Лазаров, веројатно е спорно тоа што бабицата доаѓа од соседна држава (жените на форумот претпоставуваат дека станува збор за бабица од Косово) и тоа што таа, веројатно, нема лиценца за ова.
Прочитајте повеќе на порталот „Мајка и дете“.