СИТУАЦИИ ВО КОИ РОДИТЕЛОТ НЕ СМЕЕ ДА МУ ПОПУШТИ НА ДЕТЕТО По цена на хистерија и бес, некогаш мора да се каже „НЕ“
Децата се чувствуваат најприфатени, најмирни и најбезбедни во средини каде што правилата се јасни и непроменливи.
Современите родители сè почесто се плашат да бидат строги, плашејќи се дека ќе го нарушат односот со детето. Сепак, границите и зборот „НЕ“ не се знак на грубост, туку на грижа, одговорност и љубов. Децата сè уште немаат развиено способност да ги проценат сите последици од нивните одлуки, па затоа е задолжително родителот да преземе контрола во следниве 5 ситуации:
Безбедност и животозагрозувачки ситуации
Безбедноста никогаш не зависи од расположението на детето. Нема преговори за:
– Врзување на сигурносниот појас во автомобилот.
– Држење за рака при преминување улица.
– Играње со оган, струја, отворени прозорци или престој во близина на вода без надзор.
Љубопитноста е природна за детето, но процената на ризикот се развива многу подоцна. Тука не смее да има попуштање, дури и по цена на солзи и викање.
Физичка агресија кон другите
Сите емоции кај детето се дозволени, нормално е да чувствува бес, лутина или фрустрација. Но, агресијата никогаш не е дозволена.