ПОПУЛАРНИОТ НАЧИН НА ИСХРАНА МОЖЕБИ НЕ Е ЗА ВАС Подолгите паузи меѓу оброците се поврзани со побрзо напредување на некои болести
Нова шведска студија открива поврзаност меѓу подолгите интервали меѓу оброците и побрзото развивање на хронични заболувања кај постарите лица.
Последните години расте интересот за интермитентниот пост, начин на исхрана при кој во текот на денот се јаде само во одреден временски период, кој е пократок од периодот во кој не се внесува храна. Сепак, релативно малку се знае за тоа како времето на оброците влијае врз здравјето на постарите лица. Затоа, во новата студија истражувачите од Институтот „Каролинска“ испитувале дали должината на најдолгиот дневен интервал меѓу оброците е поврзана со развојот на хронични заболувања со текот на времето.
Можеби ќе ве интересира
Изразена поврзаност
Како што објавиле во списанието „Journal of Internal Medicine“, постарите лица кај кои интервалите меѓу оброците вообичаено биле подолги, побрзо развивале хронични заболувања во споредба со оние кај кои овие интервали биле пократки. Поврзаноста била најизразена кај лицата на возраст од 78 години и постари.