📽️ „ЈОВАНО, ЈОВАНКЕ“ ВО МАЕСТРАЛНА ИЗВЕДБА НА СТЈЕПАН ХАУСЕР „Ќе биде ли Македонија помеѓу петте најгледани и лајкувани земји?!“
Подгответе се за најголемата музичка кампања на сите времиња!!! МУЗИКАТА ГО ОБЕДИНУВА СВЕТОТ. Да видиме кои 5 земји ќе бидат најгледани, лајкувани и коментирани, кои топ 5 земји ќе имаат најголеми импресии!!!
Светски познатиот хрватски виолончелист Стјепан Хаусер, кој беше дел од популарното дуо „2 Celos“, и препознатлив по своите страсни изведби, го започна својот најголем и најхрабар проект досега „Музиката го обединува светот“ (Music Unites the World). Досега објавил 18 видеа, од исто толку земји.
„Подгответе се за најголемата музичка кампања на сите времиња!!! МУЗИКАТА ГО ОБЕДИНУВА СВЕТОТ. Да видиме кои 5 земји ќе бидат најгледани, лајкувани и коментирани, кои топ 5 земји ќе имаат најголеми импресии!!! Ајде да видиме кој народ е најгласен и најгорд“, вели Стјепан во текот на најавата на својот предизвик.
View this post on Instagram
Како дел од овој проект, Хаусер ја отсвири македонската песна „Јовано, Јованке“, за да ја претстави нашата земја со оваа песна. Досега „Јовано, Јованке“ има собрано повеќе од 22.000 лајкови.
„Сакам да докажам, еднаш засекогаш, дека музиката ги поврзува и обединува секоја нација, секоја култура и секој човек на оваа планета. Затоа решив да отсвирам по една песна од секоја земја. Проектот нема да престане додека не отсвирам песна од секој агол на светот“, рече Хаусер на почетокот на овој проект.