ОБРИ ПЛАЗА И КРИСТОФЕР АБОТ ГО ДОБИЈА ПРВОТО ДЕТЕ За актерката, раѓањето на детето доаѓа по исклучително тежок период во нејзиниот живот
Актерите Обри Плаза и Кристофер Абот кои се запознаа кога соработуваа во психолошката драма од 2020 година „Black Bear“, која ја режираше тогашниот сопруг на Обри, главно молчеа за својата врска.
Обри Плаза и Кристофер Абот станаа родители за првпат. Актерската двојка ја доби својата прва ќерка, а веста беше објавена откако Плаза неодамна беше фотографирана во Њујорк со новороденчето во рацете. Според извори цитирани од американските медиуми, бебето се родило во последната недела од јули. Името на девојчето, како и точниот датум на раѓање, засега не се познати.
Веста за бременоста на 42-годишната Плаза беше објавена во април, кога беше потврдено дека го очекува првото дете со Абот. Во тоа време извор за „People“ откри дека бебето се очекува наесен, а Плаза подоцна призна дека е возбудена поради мајчинството.
– Отсекогаш сакав да видам како изгледа сето тоа – изјавила актерката, зборувајќи за искуството да се има дете.
Плаза и Абот ја потврдија својата врска во јавноста дури во 2025 година, иако се познаваат многу подолго. Тие првпат се сретнале на снимањето на психолошкиот филм „Black Bear“ од 2020 година, во кој ги толкуваа главните улоги. Подоцна повторно соработуваа на сцената во оф-Бродвеј продукцијата „Danny and the Deep Blue Sea“, која започна во октомври 2023 година.
Нивното прво појавување како пар на црвениот тепих се случи на овогодишните Tony Awards во Њујорк, на 7 јуни. Плаза тогаш гордо го покажа трудничкиот стомак, додека Абот ја поддржуваше актерката на доделувањето. Абот во тој период беше номиниран за награда за својата улога во оживувањето на „Death of a Salesman“ на Бродвеј.
За Плаза, раѓањето на детето доаѓа по исклучително тежок период во нејзиниот приватен живот. Нејзиниот поранешен сопруг, режисерот Џеф Баена, со кого беше во брак од 2021 година, почина во јануари 2025 година на 47-годишна возраст. Баена режираше четири филма во кои глумеше Плаза: „Life After Beth“, „Joshy“, „The Little Hours“ и „Spin Me Round“. Плаза подоцна отворено зборуваше за тагата и за тоа колку тешко се справува со загубата, опишувајќи ја како секојдневна борба.
Иако Плаза и Абот во јавноста досега беа многу воздржани кога станува збор за нивниот приватен живот, раѓањето на нивното прво дете претставува ново поглавје за двајцата. Актерката во неделата беше забележана во Њујорк со својата новородена ќерка, само неколку дена откако Абот го заврши својот ангажман во „Death of a Salesman“ на Бродвеј. Двојката засега не објавила официјално соопштение за раѓањето, ниту открила повеќе детали за бебето.