📽️ НОЈЕР СЕ ПОСРАМОТИ, АУГСБУРГ ПОСТИГНА ИСТОРИСКИ ГОЛ „Баварците“ примија погодок по само 6 секунди
Робин Фелхауер погоди по само шест секунди по грешка на голманот на Баерн, а Аугсбург двапати водеше. Нојер се извини за киксот, додека гостите со голот на Нејтанел Браун во 80. минута спасија реми од 2:2.
Голманот на Баерн Минхен, Мануел Нојер, направи огромна грешка по само шест секунди игра против Аугсбург, дозволувајќи му на домашниот тим да го постигне најбрзиот гол во историјата на Бундеслигата. Сепак, Баерн успеа да избегне пораз и на крајот одигра 2:2.
Аугсбург поведе по само осум секунди, кога Робин Фелхауер ја искористи несигурната реакција на Нојер. По почетниот удар, топката беше вратена до голманот на Баерн, кој се обиде да го надмудри противничкиот напаѓач со лоб-удар, но наместо да ја исфрли топката од опасната зона, го погоди Фелхауер. Топката се одби до фудбалерот на Аугсбург, кој остана сам пред празната мрежа и лесно реализираше.
Со овој погодок Фелхауер го собори рекордот за најбрз гол во историјата на германската Бундеслига. Претходниот рекорд го делеа Кевин Фоланд и Карим Белараби, кои постигнаа голови по девет секунди во 2015, односно во 2014 година.
Augsburg opened the scoring after just 6 seconds against Bayern Munich https://t.co/JDezByBYGE
— Emgrace (@Em_gracy) October 10, 2026
Гостите од Минхен се вратија во натпреварот во 55 минута, кога Исмаел Саибари погоди за 1:1. Аугсбург повторно поведе во 64 минута преку Родриго Рибеиро, по уште една лоша реакција на Нојер.
Баерн, сепак, продолжи да притиска и стигна до конечните 2:2 во 80 минута, кога Нејтанел Браун ја затресе мрежата по асистенција на Хари Кејн. Така, гостите избегнаа пораз, но не успеаја да ги освојат сите три бода.
🗣️MANUEL NEUER APOLOGIZES TO BAYERN MUNICH FANS AND TEAMMATES AFTER HIS COSTLY MISTAKE!
🗣️ Manuel Neuer:
“I want to sincerely apologize to the fans, my teammates, and everyone connected to Bayern Munich for the mistake I made today. I never intended for this to happen. I saw Michael Olise and wanted to play the ball to him, but it slipped off my foot, resulting in the wrong pass and an early goal for our opponents.
I take full responsibility for my mistake, and I promise to learn from it and come back stronger. I will continue to give everything I have, fight with my last drop of blood, and do whatever it takes to help this team return to the top of the table and recover the points we lost today.
I’m also grateful to Harry Kane and Saibari for their confidence, support, and words of encouragement during this difficult moment. Your support means a lot to me.
To our fans, I’m truly sorry. You deserve better, and I promise to work harder to make things right. We win together, and we lose together. This is not the end of our fight. Mia san mia! ❤️🤍
— Brims (@UTDbrims) October 10, 2026
По натпреварот, Нојер упати извинување до навивачите, соиграчите и сите поврзани со Баерн Минхен за грешката што доведе до раниот гол на противникот.
– Сакам искрено да им се извинам на навивачите, на моите соиграчи и на сите поврзани со Баерн Минхен за грешката што ја направив денеска. Не сакав ова да се случи. Го видов Мајкл Олисе и сакав да му ја додадам топката, но таа ми избега од ногата, па следуваше погрешно додавање и ран гол за противникот – се наведува во изјавата.
Нојер ја презеде одговорноста за киксот и порача дека ќе извлече поука од грешката и ќе се врати посилен.
– Ја преземам целосната одговорност за мојата грешка и ветувам дека ќе научам од неа и ќе се вратам посилен. Ќе продолжам да давам сè од себе, да се борам до последната капка крв и да направам сè што е потребно за да му помогнам на тимот да се врати на врвот на табелата и да ги надомести изгубените бодови – порача голманот.
Тој им се заблагодари и на Хари Кејн и Саибари за поддршката и охрабрувањето во тешкиот момент.
– На нашите навивачи им велам дека навистина ми е жал. Заслужувате подобро и ветувам дека ќе работам уште понапорно за да ги исправам работите. Победуваме заедно и губиме заедно. Ова не е крај на нашата борба. Mia san mia! – завршува пораката.
Ремито е дополнителен удар за Баерн во борбата за врвот на табелата, особено затоа што тимот не успеа целосно да го искористи киксот на Борусија Дортмунд. Воедно, грешката на Нојер ќе остане запаметена како дел од историскиот момент во кој Аугсбург го постигна најбрзиот гол во историјата на Бундеслигата.