📽️ НЕВЕРОЈАТЕН ИНЦИДЕНТ ВО ЗАГРЕБ Маж скокал врз автомобили, кршел стакла и за малку ќе бил прегазен

Хаотични сцени се случиле денеска околу пладне во Нови Загреб, каде маж оштетил повеќе возила на една од прометните крстосници во близина на Бундек.

Инцидентот се случил на крстосницата меѓу Авенија Вјекослава Холјеваца и улиците Дамир Томљановиќ и Јозеф Антал, кога маж почнал да скока врз автомобили и да се движи по нив, предизвикувајќи штета на повеќе возила.

Според сведоци, тој во еден момент изговарал нешто, наводно и на англиски јазик, а ситуацијата речиси завршила трагично кога, по бегство од едно возило, за малку бил прегазен од камион.

Кога избегал од првиот автомобил, речиси беше прегазен од камион – изјавил еден од очевидците.

Сведоци додаваат дека мажот успеал да скрши најмалку две ветробрански стакла – на автомобил и на такси возило, пред да биде совладан од возачи кои се затекнале на местото.

Од полицијата соопштија дека околу 12:15 часот добиле повеќе пријави од граѓани за лице кое оштетува автомобили. Полициските службеници го совладале, по што бил прегледан од Итната медицинска помош и пренесен во здравствена установа.

Граѓаните реагирале и дека полицијата пристигнала со задоцнување од околу половина час.