НЕ ПРЕТЕРУВАЈТЕ СО СОЛТА Вообичаениот зачин може да го зголеми ризикот од рак на желудник за 40 отсто

Истражувачите од Центарот за јавно здравје на Универзитетот во Виена откриле дека луѓето кои додаваат сол во повеќето оброци имаат 41 отсто поголеми шанси да развијат рак на желудникот отколку оние кои го користат тој зачин штедливо.

Претходните студии во Кина, Јапонија и Кореја ја поврзаа солената исхрана со ракот на желудникот – но ова е една од првите која ја покажа врската кај луѓето од Стариот континент, бидејќи истражувањето користело здравствени картони од британската Биобанка.

Иако австриската студија била само набљудувачка, некои други, постари студии сугерираат дека вишокот на сол може да ја еродира заштитната обвивка на желудникот, предизвикувајќи оштетување на ткивото и доведувајќи до канцерогени мутации.

„Нашата студија ја покажува поврзаноста помеѓу зачестеното додавање сол и ракот на желудникот и во западните земји“, рекла водечката авторка Селма Кронштајнер-Гичевиќ, нутриционистка од Универзитетот во Виена.

Повеќе за ова прочитајте на „Арт кујна“.