МИНИМАЛЕН РАСТ НА ЦЕНИТЕ НА ГОРИВАТА Бензините поскапуваат за 0,5 денари, а дизелот останува со иста цена
Според новата одлука на Регулаторната комисија нафтените деривати поскапуваат во просек за 0,46%.
Регулаторната комисија за енергетика (РКЕ) денеска ги зголеми цените на нафтените деривати во просек за 0,46%.
Според одлуката од ноќеска на полноќ бензините и лесното масло за домаќинство поскапуваат за 0,50 денари по литар, а цената на Мазутот се зголемува за 0,330 денари по килограм.
Цената на дизелот останува иста.
Според одлуката максималните цени на нафтените деривати ќе изнесуваат:
Моторен бензин ЕУРОСУПЕР БС – 95 – 87,50 (денари/литар)
Моторен бензин ЕУРОСУПЕР БС – 98 – 89,50 (денари/литар)
Дизел гориво ЕУРОДИЗЕЛ БС (Д-Е V) – 92,00 (денари/литар)
Масло за горење Екстра лесно 1 (ЕЛ-1) – 94,00 (денари/литар)
Мазут М-1 НС – 51,144 (денари/килограм)