КАЗНЕТИ 72 ВОЗАЧИ НА ТРОТИНЕТИ НИЗ ЦЕЛА МАКЕДОНИЈА Полицијата апелира да се почитуваат сообраќајните правила

Во текот на вчерашниот ден (13.8.2026 година) во периодот од 17 до 22 часот Секторот за сообраќајни работи при Министерството за внатрешни работи спроведе акциска контрола за санкционирање на прекршоци кои ги прават возачите на лесни електрични возила на територијата на целата држава, соопшти МВР.

Казнети се 72 возачи.

„Од нив, по 11 на територијата на СВР Тетово и СВР Битола, 8 на територија на СВР Велес, 7 на територија на СВР Куманово… Од страна на Мобилната единица за безбедност на сообраќајот на патиштата санкционирани се 20 возачи на лесни електрични возила. За време на контролата санкционирани се и 260 други видови на прекршоци“, соопшти полицијата.

Сообраќајните контроли продолжуваат и во наредните денови.

„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, апелира полицијата.