📽️ 📷 ИЗЛЕТАЛ ОД РОЛЕРКОСТЕР СО 110 КМ/Ч И ЗАГИНАЛ НА САМОТО МЕСТО Страшна глетка во забавен парк во САД

Маж починал откако паднал од ролеркостер во забавниот парк „Six Flags Over Georgia“ во понеделникот попладне во американската сојузна држава Џорџија. Во несреќата биле повредени уште четири лица, соопштија американската полиција и сведоци.

Несреќата се случила на ролеркостерот „Goliath“, опишан како „хиперролеркостер“, бидејќи достигнува брзина до 110 километри на час и висина од 60 метри, според веб-страницата на „Six Flags“.

 

🚨#BREAKING: A father has just FALLED TO HIS DE@TH off of a rollercoaster at Six Flags near Atlanta GA.

Witnesses say the father was riding with his child and then flew out of seat, smashed into riders behind him, and hit the rollercoaster several times before ultimately falling to the ground.

One of the most horrifying stories I’ve ever heard.

Please pray for this family, I cannot even imagine what they are going through.

— Matt Van Swol (@mattvanswol) October 12, 2026

Сведоци изјавиле дека мажот на некој начин бил „исфрлен од возилото“, по што удрил во различни делови од атракцијата.

Некои тврдат дека мажот се возел заедно со дете, но надлежните засега не се огласиле во врска со овие информации.

„Беше на нашите фотографии. Падна и удри во автомобил трипати“, изјавил еден сведок, додавајќи дека телото на мажот удрило и во други луѓе пред да заврши врз друга атракција под ролеркостерот.

 

Ejected on the climb, hit the coaster three times. A child sat beside him.

https://t.co/LEo3qCnMBh

— IredcapI (@IredcapI) October 13, 2026

„Six Flags“ ја евакуирал атракцијата, како и поширокиот дел од забавниот парк, по падот на мажот. На една од видеоснимките се гледа запрениот ролеркостер, додека посетителите го напуштаат преку скали поставени долж оградата.

„Одлично си поминувавме, а потоа одеднаш почнавме да викаме: ‘О, Боже, што се случува?’“, изјавила жена која била сведок на несреќата.

Портпарол на забавниот парк „Six Flags“ изјавил дека паркот и локалните власти реагирале веднаш и дека целосно соработуваат во истрагата.

„Длабоко сме погодени од инцидентот со посетителите во нашиот парк денеска“, изјавил портпаролот.

Надлежните сè уште не потврдиле како починал мажот, ниту што ги предизвикало повредите на останатите лица. Засега не е позната ниту причината за несреќата. Истрагата ја водат детективи од единицата за тешки кривични дела во округот Коб.

 

PHOTO: Person who reportedly fell and died from a roller coaster at Six Flags Over Georgia. https://t.co/bkS947KR8j

— Scope Report (@ScopeReport_) October 12, 2026

Минатиот месец, „Six Flags Magic Mountain“ во Јужна Калифорнија објави дека ја повлекува од употреба познатата атракција „X2“, во услови на судски тужби во кои се тврди дека возењето предизвикало сериозни повреди на мозокот.

Во меѓувреме, „Six Flags“ неодамна ја финализирал спогодбата во тужба за предизвикување смрт, поднесена од семејството на 22-годишен маж кој починал по возење на ролеркостер во 2022 година. Минатата недела биле поднесени уште три тужби во кои се наведуваат трауматски повреди на мозокот.

Минатата година, 32-годишен маж починал по возење на брз ролеркостер во тематскиот парк „Universal Epic Universe“ на Флорида. Починал од последици на удари со тап предмет, а смртта била прогласена за несреќен случај.