ЕВРОПЕJЦИТЕ САКААТ ДА ПАТУВААТ НА НЕОТКРИЕНИ ЛОКАЦИИ БЕЗ ГОЛЕМИ ТУРКАНИЦИ ОД ТУРИСТИ А еве и колку очекуваат да потрошат
Европската комисија за патувања (ETC) во новиот извештај за трендовите во патувањата открива дека летните месеци се најпосакуван период за патување, а најмногу се патува во европските крајбрежни крави.
Повеќе од 80% од Европејците планираат да патуваат од јуни до ноември оваа година, што е малку повеќе од минатата година, а патувањето е сè уште приоритет и покрај економските, геополитичките и климатските притисоци, објави Европската комисија за патувања (ETC) во новиот извештај за трендовите во патувањата.
Според извештајот, безбедноста и односот цена-квалитет го прават изборите за одмор за следните 6 месеци, како и прифатливоста на цените и климата.
Намеа за патување има кај речиси сите возрасни групи, а најмногу кај патниците на возраст од 45 до 54 години.
Извештајот покажува и дека Европејците сè уште преферираат патувања во самата Европа, речиси две третини од нив, а повеќе од половина или 55% имаат намера да одат на два или повеќе одмори во следните шест месеци.
Омилен регион за одмор на Европејците е сè уште јужна и медитеранска Европа. Тој регион го претпочитаат повеќе од 60% Европејци, што е зголемување од 4 процентни поени во споредба со минатата година. Шпанија, Италија, Франција и Грција се најбараните дестинации, како и други дестинации покрај морето и со богата културна понуда.
И додека побарувачката на Европејците за одмори во главните туристички дестинации бележи раст од 48%, побарувачката за неоткриени дестинации забележа пораст од 52%.
За околу 11% од Европејците, најважно при изборот на дестинација е да се избегнат локациите што се „преоптоварени“ од туристи, а за 9% од нив, тоа е една од главните грижи за патувањето.
Иако Европејците сè уште сакаат да патуваат и патуваат, ETC коментира дека сè уште „мерат“ неколку фактори пред да изберат дестинација за одмор, при што за 20% од нив безбедноста е најважна, проследена со пријатно време и атрактивни понуди.
Финансиите продолжуваат да играат централна улога, а повеќето Европејци, 22 и 17%, се грижат за изборот на патување поради зголемените трошоци за патување и личните финансии.
И покрај повисоките цени на горивата и зголемувањето на другите трошоци, воздушниот сообраќај останува претпочитан начин на транспорт за дури 53% Европејци.
Извештајот на ETC, исто така, покажува дека геополитичките влијанија врз патувањето исто така се зголемиле, бидејќи загриженоста за конфликтот на Блискиот Исток се дуплирала во споредба со минатата година, од 7 на 14%, а 11% од Европејците се загрижени за војната во Украина.
Летото сè уште доминира во плановите за патување на Европејците. 86% од нив планираат да патуваат помеѓу јуни и септември, при што побарувачката за патување во јуни се зголемила за 3% во споредба со минатата година.
И покрај загриженоста за патните трошоци, намерите за трошење остануваат стабилни, а буџетот по патување сè уште е во опсег од 1.500 до 2.500 евра, во кои сместувањето, храната и пијалоците сочинуваат најголем дел.