🎥 ЕУФОРИЈА ВО СОБЛЕКУВАЛНАТА НА „ЦРВЕНАТА ФУРИЈА“ Погледнете како ја прославија победата над Франција
Откако го завршија радувањето на теренот, репрезентативците влегуваа еден по еден во соблекувалните и без ограничувања, извикуваа што и да им паднеше на ум во тој момент.
Шпанија е во финалето на Светското првенство откако ја надигра и победи Франција во полуфиналето на турнирот. Екипата на Луис де ла Фуенте славеше со 2-0 во Далас против селекцијата што многумина ја сметаа за најголем фаворит на натпреварувањето. Шпанија се претстави како колектив, тим со големо „Т“ во кој никој не се издвојува над групата, што се покажа како добитна комбинација, пишуваат шпанските медиуми.
Величествената победа беше прославена бурно, а камерите ги снимаа играчите како влегуваат во соблекувалната. Откако го завршија радувањето на теренот, репрезентативците влегуваа еден по еден во соблекувалните и без ограничувања, извикуваа што и да им паднеше на ум во тој момент. „Каква проклета изведба!“, го сумираше впечатокот Марк Кукурела. Најчестиот победнички извик што се слушаше од грлата на Родри, Борха Иглесијас, Мерино, Унаи Симон и Лапорт беше победничкиот извик: „Ајде да одиме!“
Дани Олмо покажа неочекувана смиреност.
– Запишано беше во ѕвездите дека ќе почнеме во Атланта и ќе завршиме во Њујорк. Одиме таму, блиску е, блиску е. Ајде да одиме кон тоа – самоуверено изјави тој пред камерата.
🪩 Se gritó, se bailó, se celebró…
¡Vente al vestuario de la Selección y saca los pasos prohibidos!#VamosEspaña | #CopaMundialFIFA pic.twitter.com/U2qtzlCLXA
— Selección Española Masculina de Fútbol (@SEFutbol) July 14, 2026