🎥 ЕДНА ОД НАЈУБАВИТЕ ЖЕНИ ОД 90-ТИТЕ КОНЕЧНО СЕ ОМАЖИ Ева Херцигова има три сина со љубовта на својот живот
По 25 години заедно, чешкиот супермодел Ева Херцигова и италијанскиот претприемач Грегорио Марсијај се венчаа на елегантна и интимна церемонија во Торино.
Една од најпознатите светски супермодели од 90-тите, Ева Херцигова, се омажи за својот долгогодишен партнер Грегорио Марсијај по 25 години љубов. Чешката убавица и италијанскиот претприемач ја крунисаа својата врска со интимна, но исклучително елегантна венчавка во Торино, градот каде што семејството живее со години.
Празничниот ден започна со попладневна црковна церемонија во малата црква Сан Вито на ридовите над Торино. 53-годишната манекенка беше придружувана до олтарот од нејзиниот татко, додека младоженецот пристигна во елегантен темен костум, зад воланот на класичен Астон Мартин од 1989 година, во придружба на нивните три сина.
За најважниот ден во нејзиниот живот, Ева избра романтичен фустан во боја на слонова коска од модната куќа Ланвин. Воздушестата креација во бохо стил со длабок V-изрез, лелеави ракави и плисирани детали совршено одговараше на нејзиниот препознатлив ненаметлив стил. Модната комбинација ја комплетираше со бели сандали со големи машнички и едноставен букет бели цвеќиња, додека косата ја собра во лежерна пунџа.
По црковната церемонија, младенците и гостите се преселија во историскиот центар на Торино, каде што ја одржаа граѓанската церемонија во импресивната „Sala dei Plebisciti“ во барокниот дворец Палацо Карињано, кој вообичаено е затворен за јавноста.
Прославата заврши со гала вечера во познатиот ресторан „Дел Камбио“ со Мишелин ѕвезди, во друштво на околу педесет блиски членови на семејството, пријатели и гости од светот на модата и италијанскиот деловен живот. Иако имаше шпекулации дека Наоми Кембел може да биде меѓу гостите, познатата манекенка не присуствуваше на церемонијата.
Љубовната приказна на Херцигова и Марсијај започна на почетокот на 2000-тите, откако се запознаа преку заеднички пријатели. Повеќе од две децении, тие се познати како еден од најстабилните парови на европската општествена сцена. Заедно, имаат три сина – Џорџ, Филип и Едвард – и претежно го градеа својот семеен живот подалеку од рефлекторите, помеѓу Италија и други европски дестинации. Нивните синови играа посебна улога на свадбата, придружувајќи го својот татко на церемонијата.
Херцигова стекна светска слава на почетокот на 1990-тите како едно од лицата на модната индустрија и еден од оригиналните супермодели, соработувајќи со најголемите модни куќи како што се Версаче, Долче и Габана, Диор, Шанел и Луј Витон. Дури и денес, повеќе од три децении по врвот на нејзината кариера, таа останува едно од најпрепознатливите имиња на модната сцена.
Фотографиите од младенците откриваат дека целата церемонија била исполнета со насмевки, прегратки и видливи емоции.
View this post on Instagram
По 25 години заеднички живот, Ева Херцигова и Грегорио Марсијаж докажаа дека никогаш не е предоцна за љубовта и ја крунисаа својата долгогодишна врска со елегантна и интимна свадба која сигурно ќе остане еден од најубавите друштвени настани ова лето.
View this post on Instagram