📽️ БОСНА НА ЧЕКОР ДО НОКАУТ-ФАЗАТА Швајцарија ја потврди првата позиција во групата Б

Репрезентацијата на Босна и Херцеговина забележа важна победа од 3:1 над Катар во Сиетл во натпреварот од третото коло од групата Б на Светското првенство, со што направи голем чекор кон пласман во следната фаза од турнирот. Во истата група, Швајцарија славеше над Канада со 2:1 и го обезбеди првото место и пласман во 1/16-финалето.

Во Сиетл, Босна и Херцеговина ја победи Катар со 3:1 во натпреварот од третото коло во групата Б на Светското првенство, со што „змејовите“ направија значаен чекор кон пласман во втората фаза од натпреварувањето.

Селекторот на БиХ, Сергеј Барбарез, доби клучен придонес од Ермин Махмиќ, кој по влегувањето од клупата го постигна својот втор гол на турнирот и ја потврди победата.

Босна и Херцеговина поведе во 29 минута со погодокот на Алајбеговиќ, а во 34 минута Ал Браке си постигна автогол за 2:0. Катар намали преку Ал Хајдос во 42 минута, но во второто полувреме резервистот Мемиќ во 80 минута го постави конечниот резултат 3:1.

Со оваа победа, БиХ е во одлична позиција за продолжување на настапот во следната рунда на Светското првенство.

Потребен е само еден поволен исход

Со победата против Катар, Босна и Херцеговина го обезбеди третото место во Групата Б, што речиси сигурно треба да им донесе историски пласман во осминафиналето на Светското првенство.

За да биде математички потврден преминот, доволно е да се постигне само еден од следниве резултати:

Чешка – Мексико (нерешено или победа на Мексико)
Шкотска – Бразил (победа на Бразил)
Еквадор – Германија (нерешено или победа на Германија)
Јапонија – Шведска (победа на Јапонија)
Египет – Иран (нешерено или победа на Египет)
Белгија – Нов Зеланд (нерешено)
Шпанија – Уругвај (нерешено или победа на Шпанија)
Северен ’Рт – Саудиска Арабија (нерешено)
ДР Конго – Узбекистан (нерешено или победа на Узбекистан)
Хрватска – Гана (победа на Гана)

Со оглед на бројот на можни сценарија, шансите на Босна и Херцеговина за пласман се огромни.

Според достапните симулации и проекции, Босна и Херцеговина ќе продолжи понатаму практично во сите можни исходи.

По големата победа над Катар, „Змејовите“ се во позиција да чекаат завршување на групната фаза и потврда на нивното место меѓу 32-те најдобри репрезентации во светот.

Во вториот натпревар од групата Б, Швајцарија ја совлада Канада со 2:1 и го освои првото место во групата, со што обезбеди пласман во 1/16-финалето.

Сите три погодоци беа постигнати во второто полувреме. Швајцарија поведе веднаш по стартот со голот на Варгас, а во 57 минута Манзамби зголеми на 2:0.

Канада намали во 76 минута преку Промис Дејвид, кој погоди само една минута по влегувањето од клупата, но тоа не беше доволно за пресврт.

Во групата Б, Швајцарија е на првата позиција со 7 поени, Канада е втора со 4 поени, исто колку и Босна и Херцеговина, но поради подобрата гол разлика тие се пред Босанците.