ЅВЕЗДАТА НА „МАЛКОМ ВО СРЕДИНАТА“ ДОЖИВЕА СТРАШНА НЕСРЕЌА НА ТРКАЧКАТА СТАЗА Морале да го сечат кровот за да го извадат од колата
Френки Муниз доживеа несреќа за време на тренинг за трка во Флорида, поради што итно бил пренесен во болница. Актерот е буден и свесен, а во меѓувреме е пуштен на домашно лекување.
Актерот Френки Муниз (40), познат по главната улога во популарната американска серија „Малком во средината“, бил пренесен во болница откако доживеал несреќа за време на тренинг на патеката „Дејтона“ во Флорида. Тој требало да учествува во хуманитарна трка по повод Денот на ветераните организирана од Форд.
Муниз возел тренинг-круг кога дошло до инцидентот. Телевизијата „Ентертејнмент Тунајт“ (ET) имала екипа на патеката за интервју со актерот, но несреќата во момент кога патеката не била отворена за јавноста.
Од неговиот тим „Тим Рејум“ соопштиле дека актерот бил пренесен во локална медицинска установа на дополнителни прегледи и дека бил буден и свесен. Подоцна, Асошиејтед прес објави дека Муниз бил пуштен од болница. Тој изјавил дека се чувствува малку болно по несреќата и им се заблагодарил на сите што му помогнале, како и на оние што му испратиле пораки за поддршка. Муниз истакнал и дека автомобилот го заштитил при ударот.
Поради несреќата, актерот нема да учествува во трката, во која требаше да вози за тимот на американските воздухопловни сили, заедно со возачот Остин Синдрик. Настанот има хуманитарен карактер и средствата се наменети за шест непрофитни организации што им помагаат на припадниците на војската и на воените ветерани.
На настанот требаше да присуствува и Брајан Кренстон, неговиот телевизиски татко од „Малком во средината“, кој дошол да го поддржи. Двајцата повторно работеа заедно и во четириделното продолжение на серијата, кое премиерно беше прикажано оваа година.
Иако светската публика најмногу го памети како Малком, Муниз одамна има и втора професионална кариера – како автомобилски тркач. Во 2006 година се повлече од актерството за да се посвети на мотоспортот, а подоцна се натпреваруваше во неколку професионални шампионати. Последниве две сезони возеше и во NASCAR Craftsman Truck серијата.
Frankie Muniz is in the hospital after he was involved in a crash at the Daytona International Speedway.
ET was on site to interview Frankie, who was set to drive for Team Air Force at Ford’s Veterans Day Classic, when he crashed during a practice lap. The speedway was not open to the public at the time.
We’re told Frankie was transported to a local medical facility for evaluation, but he is awake and alert. He will no longer participate in the race.
It’s unclear if he will be released in time to attend the race, where his ‘Malcolm in the Middle’ co-star Bryan Cranston was set to appear in support of Frankie.
(📸: Getty Images)— Entertainment Tonight (@etnow) November 11, 2026