МАДОНА РЕШИ ДА ГИ ИГНОРИРА КРИТИКИТЕ ОТКАКО ЈА НАПАДНАА ПОРАДИ НАСТАПОТ НА МТВ НАГРАДИТЕ „Слетав на Месечината и чувството е фантастично“

Откако деновиве се најде на удар на критики на социјалните мрежи поради нејзиното „збунувачко“ појавување на сцената на доделувањето на наградите MTV VMA, Мадона првпат се огласи на својот профил и суптилно им одговори на критичарите.

Многумина забележаа дека пејачката делувала деконцентрирано и помалку збунето додека настапувала со Сабрина Карпентер и Чарли XCX, особено кога примала една од наградите.

Мадона им се придружи на презентерите Чарли XCX и Троје Сиван за да ја прими наградата за краткиот филм „Confessions II – The Film“, но нејзиниот говор при примањето доби необичен тек. Таа рече дека не ѝ е баш јасно за што е наградата, а во говорот спомена и ласер во задникот.

68 year old Madonna wears corset and lingerie while onstage at the MTV VMA’s while appearing to slur her words.

The singer was named 2026 Artist of the Year at the awards after beating Taylor Swift and Ariana Grande. pic.twitter.com/X1XZeWxYP7

— Oli London (@OliLondonTV) September 28, 2026

Поп-кралицата ја отвори церемонијата со своите нови песни и освои дури седум награди во текот на вечерта.

Сега на Инстаграм објави две фотографии и видеа за да го прослави настапот. Наместо да им одговори директно на критичарите, таа прво објави галерија фотографии од сцената со Сабрина и Чарли, како и со другите гости кои ѝ се придружија, меѓу кои Сет Роген и Џулија Гарнер.

– Слетав на Месечината и чувството е фантастично – напиша Мадона.

Станува збор за игра на зборови, бидејќи наградите ВМА традиционално се поврзуваат со „Moonman“, односно „Човекот од Месечината“.

– Му благодарам на неверојатниот тим вредни луѓе кои ми помогнаа да ја остварам мојата визија! Сето ова го направив од љубов!!!!! – додаде таа.

Потоа објави серија фотографии со Чарли XCX, на кои се гледа како двете се забавуваат по доделувањето. На едно од видеата Чарли и Мадона танцуваат на кревет.

– Забава во парк, забава во клуб, забава во грмушки – напиша Мадона.

 

View this post on Instagram

 

A post shared by Madonna (@madonna)

Нејзиното враќање на сцената на ВМА ги израдува обожавателите, особено затоа што поминаа 23 години откако на истата сцена изведе еден од најпознатите настапи во историјата на доделувањето – страсниот бакнеж со Бритни Спирс.

Со Сабрина Карпентер Мадона ја изведе песната „Bring Your Love“, додека со Чарли XCX настапи со „Danceteria Afterhours“.

На сцената изгледаше полна со енергија, а многумина на социјалните мрежи пишуваа дека и на 68 години успева да приреди спектакл.

Сепак, некои не се согласија со тоа. Тие ја обвинија дека само отворала уста, односно дека не пеела во живо.

Во својот говор по оваа награда Мадона се пошегува и на сметка на Сабрина, раскажувајќи дека морала самата да ѝ пише откако не добила одговор од нејзиниот тим.

– Сите што ме познаваат знаат колку сум нетрпелива. Кога поминаа пет дена, а сè уште не бев поврзана со Сабрина и не добив одговор дали сака да сними песна со мене, ѝ испратив порака – раскажа Мадона.

Сабрина, според Мадона, веднаш ѝ одговорила, а само неколку недели подоцна веќе биле во студио.

– Мојот тим зад сцената се препотува – се пошегува Сабрина.

Мадона подоцна ја доби и наградата за најдобар денс за „Confessions II – The Film“. Кога Чарли XCX и Троје Сиван ѝ ја врачија наградата, Мадона рече:

– Не ми е баш јасно за што е оваа награда. Претпоставувам дека е за краткиот филм?

Чарли потоа повторно го отвори пликот за да ѝ покаже која награда ја добила.

– Добро, се чувствувам убаво опкружена со луѓе кои ја сакаат играта – Чарли и Троје – продолжи Мадона.

Таа зборуваше за својата долгогодишна врска со танцот, велејќи дека токму на подиумот „оживеала“, ја пронашла својата заедница и се вљубувала во луѓе.

Нејзините необични говори веднаш станаа тема на социјалните мрежи.

– Дали Мадона е добро? Некој веројатно треба да ја прекине – напиша еден корисник.

Друг напишал: Толку е незгодна – ја обожавам.

Но, имаше и такви на кои токму нејзината непредвидливост им се допадна.

– Опседнат/а сум со Мадона, едноставно кажува што ќе ѝ падне на памет секогаш кога ќе излезе на сцената – напиша еден обожавател.