📽️ ОСЛАБЕ 90 КИЛОГРАМИ, ПА ПОЗИРАШЕ НА ЦРВЕНИОТ ТЕПИХ Џон Гудман се појави со сопругата на премиерата на „Дигер“
Џон Гудман повторно го привлече вниманието со својата физичка трансформација, појавувајќи се на премиерата на „Digger“ во Лондон во елегантен црн смокинг, во друштво на сопругата Ана Бет.
Џон Гудман повторно се појави на црвениот тепих и покажа колку се променил во изминатите години. 74-годишниот актер пристигна на премиерата на филмот „Digger“ во Лондон во црн смокинг, а покрај него беше неговата сопруга Ана Бет Херцог, со која е во брак од 1989 година.
View this post on Instagram
Неговата трансформација веднаш привлече внимание. Гудман има ослабено повеќе од 90 килограми. Актерот во минатото отворено зборуваше за својата борба со килограмите и за тоа дека повеќепати успевал да ослабе, но потоа повторно ја враќал тежината.
Овојпат, како што објаснил самиот, пристапот бил поинаков. Наместо кратки и строги диети, се фокусирал на постепени промени во начинот на живот. Со помош на тренерот Меки Шилстоун, почнал редовно да пешачи и да вежба, а целта му била да прави околу 10.000 до 12.000 чекори дневно.
Во исхраната вовел пристап сличен на медитеранскиот, со повеќе риба, зеленчук, овошје и маслиново масло, а самиот во едно интервју го опишал клучот многу едноставно – контрола на порциите.
Гудман претходно открил и дека во минатото имал навика да ослабне по 60 или 70 килограми за само неколку месеци, но потоа повторно се враќал на старите навики. Токму тој циклус сака да го прекине со побавен и поодржлив пристап.
На лондонската премиера Гудман позираше со актерската екипа на „Digger“, меѓу кои беа Том Круз, Џеси Племонс, Сандра Хулер и Риз Ахмед. На настанот присуствуваа и принцот Вилијам и принцезата Кетрин, а филмот на Алехандро Г. Ињариту во кината треба да пристигне на 2 октомври.
Гудман, кој светската публика најмногу го памети како Ден Конер од „Roseanne“, со години е познат и по улогите во филмовите „The Big Lebowski“, „Raising Arizona“ и „O Brother, Where Art Thou?“. Денес, покрај новиот изглед, повторно е во центарот на вниманието и поради новата филмска улога – во „Digger“ го игра претседателот на САД.