🎥 ЗЕМЈОТРЕС ОД 5,4 СТЕПЕНИ ГО ПОГОДИ ЈУГОТ НА ТУРЦИЈА Луѓе во паника бегаа од зградите

Земјотрес со интензитет од 5,4 степени денеска ја погоди провинцијата Шанлиурфа во југоисточниот дел на Турција.

Според Одделот за земјотреси при турската Управа за вонредни ситуации и управување со кризи (УФАД), земјотресот се случил во 10:40 часот по локално време (08:40 по средноевропско време. Земјотресот бил на длабочина од 7,39 километри под површината на Земјата, со епицентар во округот Каракопру во провинцијата Шанлиурфа.

Земјотресот бил почувствуван и во околните провинции, вклучитечно и во Газиантеб и Дијарбакир, каде на едно подрачје е регистрирано и пукање на земјата.

Граѓаните во паника ги напуштаа своите домови и деловни објекти и се собраа на отворен простор. Земјотресот бил снимен од камери, на чии снимки се гладаат граѓаните како бегаат по улиците.

Според извештаите, нема жртви и урнати згради, но се регистрирани оштетувања на куќи и штали во близина на епицентарот на земјотресот. Поради претпазливост, денеска е прекината наставата во сите училишта и градинки во провинцијата Шанлиурфа.