🎥 ИРАНСКИОТ ОСТРОВ ХАРГ Е „РАЗБИЕН НА ПАРЧИЊА“!? Трамп објави видео-снимка, но дали е вистинска?
Агенциите посочуваат дека видео снимката со драматични експлозии што ја објави Трамп била проверувана со специјален софтвер за откривање содржини генерирани со вештачка интелигенција.
Иранскиот остров Харг, што претставува енергетски центар на Исламската Република, е „разбиен на парчиња“, соопшти американскиот претседател Доналд Трамп во објава на социјалните мрежи, проследена со видео-снимка создадена со помош на вештачка интелигенција.
Трамп не понуди други докази дека иранскиот енергетски центар е нападнат. Засега нема коментар од Белата куќа и американското Министерство за одбрана, ниту од иранска страна.
Агенциите посочуваат дека со специјален софтвер за откривање содржини генерирани со вештачка интелигенција е утврдено дека видео-снимката објавена заедно со пораката, на која се прикажани драматични експлозии, најверојатно е генерирана со вештачка интелигенција.
Напад врз островот Харг, преку кој до пред 28 февруари кога почнаа американско-израелските напади се одвиваше 90 проценти од иранскиот извоз на нафта, сериозно би ја нарушил енергетската трговија на Исламската Република и би извршил огромен притисок врз нејзината економија.
Објавата на Трамп доаѓа во момент на зголемени тензии во Ормуската Теснина, откако САД нападнаа ирански ракетни лансери на островот Ларак, а Иран соопшти дека возвратил со напади врз американски воени цели во Јордан.
Во меѓувреме, ирански медиуми објавуваат соопштение на Исламската револуционерна гарда за соборено американско беспилотно летало „MQ-9“ над Ормуската Теснина.
Kharg Island being blown to smithereens!!! President DJT
( TS: Aug 30 2026, 10:18 PM ET ) pic.twitter.com/PCMlBJHzne
— Commentary Donald J. Trump Truth Social Posts On X (@TrumpTruthOnX) August 31, 2026