МИСТЕРИОЗЕН АИ-МОДЕЛ ГО ПРИВЛЕЧЕ ВНИМАНИЕТО Творецот на супермоќниот „Окс алфа“ решил да остане анонимен

Моделот на вештачка интелигенција „Окс алфа“  се појави без познат автор, а веќе привлече големо внимание меѓу програмерите. „Окс алфа“ покажа силни способности за програмирање и за долготрајни автономни задачи.

На платформата „Опенрутер“ моделот е означен како модел од анонимен надворешен провајдер. Ниту една компанија досега јавно не презела авторство.

Токму таа комбинација, анонимност и високи перформанси, отвори голема технолошка мистерија. Особено затоа што „Окс алфа“ располага со контекстуален прозорец од повеќе од еден милион токени.

Може да обработува текст, слики и видео. Максималниот излез достигнува 131.072 токени.

 

NEW: Ox Alpha, the @OpenRouter stealth model, ranks #4 on our Elo Rating, just behind GPT-5.6 Sol.

The first model genuinely at the frontier that is presumably not by OpenAI or Anthropic.

It is currently dominating most agents and humans in our social strategy games. https://t.co/wZWNh9RADP pic.twitter.com/GizwHgPzA8

— Olam Labs (@olam_labs) August 21, 2026

Мистеријата почнала со програмирањето

Најголемо внимание предизвикале резултатите при сложени програмерски задачи.

Еден јавен тест на „ДипСВЕ“ покажал 58,4% решени задачи, односно 66 од вкупно 113. Други тестирања дале различни резултати, па директните споредби со водечките модели треба да се земаат со резерва.

Сепак, резултатите биле доволни за „Окс алфа“ брзо да стане тема во технолошките кругови.

Кој се крие зад „Окс алфа“?

Првите шпекулации водат кон Кина.

Дел од истражувачите забележале сличности со семејството ГЛМ на кинеската компанија „З.АИ“, позната и како „Жипу АИ“. Една независна анализа на однесувањето на моделот дури покажала целосно совпаѓање на 44 тестови за разликување на токенизаторот со генерацијата ГЛМ-5.

Тоа е силна индиција, но не и официјална потврда.

Други анализи ја отвориле можноста зад моделот да стои сосема друга компанија. Меѓу шпекулациите се појавило дури и името на „Мајкрософт“.