📽️ ТОРНАДО РУШЕШЕ КУЌИ ВО ФРАНЦИЈА, СТРАШНИ СНИМКИ ГО ОБИКОЛИЈА СВЕТОТ Бремена жена повредена откако врз неа се урнала куќа, десетици луѓе во болница
Силното невреме предизвика хаос во јужниот дел на Франција, со прекини на струја, затворени патишта и проблеми во воздушниот и железничкиот сообраќај.
Француските власти прогласиле портокалово ниво на предупредување поради силното невреме во делови од југозападниот дел на земјата. На повеќе места имало прекини на електричната енергија, проблеми во сообраќајот и оштетувања на инфраструктурата.
Најтешко било погодено селото Помас, со околу 1.000 жители. Торнадото оштетило околу 300 куќи, а на терен биле испратени повеќе од 120 припадници на итните служби.
🌪️ Autres images très impressionnantes de la tornade qui a circulé au sud de Carcassonne dans l’Aude, depuis la commune de Verzeille. Des dégâts sont signalés. (© Denis Maréchal) pic.twitter.com/RYiuPm0Xt5
— Météo Express (@MeteoExpress) August 24, 2026
Петнаесет лица биле пренесени во болница. Меѓу повредените е и бремена жена врз која се урнала куќа. Нејзиниот сопруг за Франс прес изјавил дека таа била повредена во несреќата.
Силното невреме предизвикало сериозни проблеми и во сообраќајот. Во департманот Од била откажана третата етапа од велосипедската трка „Вуелта а Еспања“, бидејќи невремето ги принудило натпреварувачите да побараат засолниште.
Според француската метеоролошка служба Метео-Франс, во блиското село Аркет-ан-Вал биле измерени ветрови со брзина до 117 километри на час.
Невремето низ јужна Франција предизвикало застои во железничкиот и патниот сообраќај. Биле одложени возови, затворени патишта, а имало доцнења и откажувања на летови на аеродромите во Бордо, Марсеј, Ница и Тулуз, како и во Париз.
🌪️Eyewitness footage recorded from the village of #Verzeille captured a #tornado forming and swirling beneath a violent supercell thunderstorm south of the southern French city of #Carcassonne. https://t.co/tL5GfNBnxLpic.twitter.com/oGurjJdrxi
📌Authorities reported at least 26… pic.twitter.com/U5AVlVP0iw— ⚡️🌎 World News 🌐⚡️ (@ferozwala) August 25, 2026
Властите соопштија дека околу 2.800 домаќинства во 10 села останале без електрична енергија.
Франција во просек годишно бележи неколку десетици торнада. Според „Метео-Франс“, сè уште не е јасно какво е влијанието на глобалното затоплување врз нивната зачестеност и интензитет.