🎥 ПРЕЖИВЕАЛЕ ПЕТ ДЕНА ВО РИБАРСКИ ФРИЖИДЕР ВО ТИХИОТ ОКЕАН БЕЗ ХРАНА И ВОДА Мексиканската морнарица ги пронајде на околу 240 километри од брегот
Потрагата започна на 14 август, кога рибарската задруга на која тие припаѓаат испрати повик за помош откако го изгуби контактот со 53-годишниот и 32-годишниот рибар.
Двајца рибари се спасени откако пет дена пловеле во Тихиот Океан без храна и вода, повеќе од 100 милји (160 километри) од брегот на Мексико, соопшти мексиканската морнарица.
Потрагата започна на 14 август, кога рибарската задруга на која тие припаѓаат испрати повик за помош откако го изгуби контактот со 53-годишниот и 32-годишниот рибар.
Мексиканската морнарица пребара голема област на Тихиот Океан од воздух и од море, а рибарите на крајот беа пронајдени на околу 240 километри од брегот на Чијапас, федерална држава во јужен Мексико што граничи со Гватемала.
Не е позната причината зошто нивниот брод потонал во океанот.
Спасувачите ги пронајдоа како пловат во голем ладилник за риболов. Откако беа извлечени на безбедно, беа префрлени во пристаништето, каде што добија медицинска помош.
-Не мислевме дека ќе преживееме сите овие денови. Единственото нешто што можевме да го направиме беше да му се молиме на Бога и да чекаме ваша помош од морнарицата- – изјави еден од рибарите.
Другиот рибар ги опиша петте дена на море како најтешкото искуство што можеше да го замисли.
-Не би му го посакал тоа на никого, дури ни на мојот најголем непријател – рече тој.
Two fishermen who spent five days adrift in the Pacific Ocean, surviving on top of a large cooler, are safe after being rescued by the Mexican Navy. https://t.co/oz8VQKkuxd pic.twitter.com/XrPaJvlEBy
— ABC News (@ABC) August 20, 2026