ОВАА НАМИРНИЦА БИ МОЖЕЛА ДА МУ ПОМОГНЕ НА ЗАМАСТЕНИОТ ЦРН ДРОБ Истражување открива што се случува по само шест недели
Мала студија со 79 возрасни лица покажа дека секојдневното консумирање свежи домати и доматен сос било поврзано со поголемо намалување на маснотиите во црниот дроб
Масниот црн дроб е состојба која станува сè почеста, особено во контекст на прекумерната телесна тежина, дијабетесот тип 2 и инсулинската резистенција. Ново мало истражување сега носи интересен наод – една добро позната намирница можеби има позитивен ефект врз таложењето маснотии во црниот дроб.
Станува збор за доматот, а резултатите се покажале по само шест недели консумација.
Што покажала студијата?
Истражувањето, објавено во научното списание Nutrients, опфатило 79 возрасни лица со метаболички условена масна болест на црниот дроб (MASLD).
Учесниците биле поделени во две групи. Едната група продолжила да се храни без домати, додека другата секојдневно консумирала 200 грама свеж домат и 50 грама доматен сос.
Таквиот режим траел шест недели, без значителни промени во останатите животни навики на учесниците.
Истражувачите следеле повеќе показатели, меѓу кои количината на маснотии во црниот дроб, составот на телото, крутоста на црниот дроб и нивото на холестерол.