📽️ НЕ СЕ КЛАДИ И НЕ ИЗДАВАЈ НА ЕНГЛЕЗИ Слатки се парите од рентање вила на море, сè додека не ви се случи ова
Кога влегла во вилата по заминувањето на гостите, сопственичката затекнала сцена како по дивa забава – мебел во базенот, купишта ѓубре, празни шишиња и лименки, валкани соби и оштетен инвентар.
„И повторно Англичани“, напишала инфлуенсерката покрај видеото што го објави на социјалните мрежи, а снимката за кратко време стана вирална. Според хрватските медиуми, вилата ја изнајмила група британски туристи кои неколку дена престојувале во Новаља за време на музичкиот фестивал Hideout на плажата Зрќе.
По нивното заминување, на сопствениците им биле потребни часови за да го расчистат хаосот и да го подготват објектот за следните гости. Засега не е соопштено дали ќе биде побаран надомест за евентуалната материјална штета. На снимката се гледаат простории преполни со отпад, валкана кујна, неуредни спални соби и мебел што завршил во базенот.
@verekraljica♬ izvorni zvuk – Veronika Barišić
Видеото за само неколку часа собра илјадници прегледи и коментари, а многумина се шегуваа дека заработката од издавањето вили понекогаш знае скапо да се плати. Во коментарите се разви расправа дали станува збор за изолиран инцидент или за проблем што редовно се повторува во текот на летната сезона.
View this post on Instagram
Дел од корисниците предупредија дека не треба сите британски туристи да се ставаат во ист кош, додека други потсетија дека по големите музички фестивали на Јадранот вакви сцени не се реткост.
Меѓу најгласните критичари имаше и Британци, кои нагласија дека мнозинството нивни сонародници се однесуваат пристојно и со почит кон сместувањето. Слични пораки испратија и туристи од Полска, истакнувајќи дека чистото оставање на апартманот е прашање на домашно воспитување, а не на националност. За сопствениците на апартмани и вили, ваквите случаи се потсетник дека високата заработка во шпицот на сезоната носи и сериозен ризик. Затоа сè повеќе изнајмувачи воведуваат повисоки депозити, построги правила за престој и детални проверки пред и по заминувањето на гостите.