ТРАГЕДИЈА НА ГРАДИЛИШТЕ ВО СКОПЈЕ Работник од Куманово загина по пад од височина во Гази Баба
Несреќата се случила при изведување градежни работи на објект во изградба, а на местото бил известен и трудов инспектор.
Работник од Куманово го загуби животот откако паднал од височина додека изведувал градежни работи на објект во изградба во скопската населба Гази Баба.
Од Министерството за внатрешни работи информираа дека несреќата била пријавена на 10 јули околу 14:05 часот во СВР Скопје.
Можеби ќе ве интересира
„На подрачјето на Гази Баба, при изведување на градежни работи на објект во изградба, од височина паднал И.И. (52) од Куманово. Од страна на лекар од Итната медицинска помош била констатирана смрт“, соопштија од МВР.
На местото на трагичниот настан излегле полициски службеници од СВР Скопје, а за случајот бил известен и трудов инспектор.
Надлежните институции преземаат мерки за целосно расчистување на околностите под кои дошло до несреќата.