📽️ ФИФА ПОКАЖА ЗОШТО БЕШЕ ПОНИШТЕН ГОЛОТ НА ХРВАТСКА Милиметри ја спасија Португалија, хрватските медиуми велат „сепак браво“
Драма до последната секунда, солзи кај Хрватите и олеснување кај Португалците. ФИФА објави технолошки доказ според кој Игор Матановиќ минимално ја допрел топката пред акцијата што заврши со поништениот гол на Јошко Гвардиол.
Неколку милиметри, еден речиси невидлив допир и микрочип скриен во топката ја решија една од најдраматичните елиминациски пресметки на Светското првенство. Хрватска беше на чекор од продолженија против Португалија, но технологијата пресуди поинаку.
Во 103-тата минута, Јошко Гвардиол ја затресе мрежата за 2:2. Хрватските фудбалери веќе славеа, а трибините експлодираа. Неколку минути подоцна следуваше студен туш, голот беше поништен, а Португалија остана во играта што ја однесе во осминафиналето.
Гол и фама што траеја неколку минути
Португалија поведе со голот на Гонсало Рамос во четвртата минута од судиското продолжение. Само неколку моменти подоцна Хрватска тргна на сè или ништо.
Акцијата започна по центаршут на Иван Перишиќ од левата страна. Во продолжението Игор Матановиќ ја префрли топката кон шеснаесетникот, а потоа таа заврши кај Марио Пашалиќ.
Токму таму беше клучниот детал.
Пашалиќ се наоѓал во офсајд позиција во моментот кога Матановиќ ја допрел топката. Норвешкиот судија Еспен Ескас прво го призна голот, но по ВАР проверката ја смени одлуката.
According to the data provided by Connected Ball Technology housed within the @adidasfootball Trionda, the official match ball of the @FIFAWorldCup, it was proven that contact was made by Croatia’s #20 Igor Matanović in the build up to the goal against Portugal, allowing the… pic.twitter.com/AyBz11N3wV
— FIFA Media (@fifamedia) July 3, 2026
Hırvatistan’da 90+13. dakikada Gvardiol topu ağlara gönderdi ancak VAR kontrolünün ardından gol iptal edildi. İptal edilen goldeki ofsayt kararında oyuncunun teması kararı, topun içindeki çip sayesinde verildipic.twitter.com/EDedUfdO1J
— Odatv (@odatv) July 3, 2026
Микрочипот го видел невидливото
По натпреварот ФИФА објави детално објаснување за спорната ситуација.
„Според податоците обезбедени од технологијата Connected Ball вградена во официјалната топка, потврдено е дека Игор Матановиќ имал контакт со топката на почетокот на акцијата, што овозможи правилно да биде досуден офсајд и да се поништи голот“, соопшти ФИФА.
Системот користи сензори поставени во топката. Тие регистрираат дури и најмал контакт и веднаш испраќаат податоци до ВАР системот.
На телевизиските снимки ФИФА ја прикажа и карактеристичната графика налик на срцев ритам, која го означува точниот момент на допирот.
Croacia se ha ido a casa porque el microchip del balón detecta aquí un toque de cabeza de Matanović que es imperceptible para el ojo humano y ha anulado el gol del empate en el minuto 102. Muy difícil de asumir una eliminación con esta imagen. pic.twitter.com/GA9c2hbW2R
— Pablo Puente (@SoyPabloPuente) July 3, 2026
„Технологијата нè спаси“
Португалските медиуми веднаш ја прогласија оваа ситуација за една од најважните технолошки интервенции на турнирот.
Весникот „А Бола“ оцени дека токму технологијата ја спасила Португалија од продолженија.
Според нив, допирот на Матановиќ бил речиси невозможен за забележување со голо око, но бил доволен системот автоматски да ја потврди офсајд позицијата.
За Португалците тоа значеше осминафинале. За Хрватите, крај на турнирот.
„Браво Хрватска“ и покрај поразот
Иако беше елиминирана, хрватската репрезентација доби бројни пофалби од домашните медиуми.
„Индекс“ објави колумна со наслов „Браво Хрватска“, оценувајќи дека селекцијата го одиграла едно од најдобрите офанзивни полувремиња во својата историја против голема репрезентација.
Во анализите се истакнува дека тимот на Лука Модриќ создал бројни шанси, играл храбро и до самиот крај се обидувал да го сврти резултатот.
Наместо продолженија, Хрватска доби сурова лекција дека на модерните турнири понекогаш и најмалиот допир може да одлучи натпревар.
Прегратка што кажа сè
По последниот свиреж следуваше сцена која брзо го обиколи светот.
Кристијано Роналдо му пријде на Лука Модриќ и долго го прегрна својот поранешен соиграч од Реал Мадрид.
Додека Португалците славеа пласман понатаму, Модриќ тешко го криеше разочарувањето по една од најдраматичните вечери на шампионатот.