ЕЛЕКТРОНСКИОТ ПОТПИС ОД МАКЕДОНИЈА ЌЕ ВАЖИ И ВО ЦРНА ГОРА Андоновски најави дека наскоро ќе се потпише договор меѓу двете земји

Mинистерот за дигитална трансформација, Стефан Андоновски најави дека наскоро ќе биде потпишан договор за меѓусебно прифаќање на електронските потписи меѓу Црна Гора и Македонија што ќе значи големо олеснување за бизнис-соработката меѓу компаниите од двете земји.

Тој рече дека тоа е договорено со претседателот на Црна Гора.

– Имавме два дена квалитетни разговори со претседателот на Црна Гора. Нешто што веќе го подготвуваме, а можам да го најавам и на Самитот за сајбер-безбедност во Париз, е потпишувањето договор за меѓусебно прифаќање на електронските потписи на Црна Гора и Македонија – реле Андоновски.

Тој додаде дека  овој договор ќе значи големо олеснување за бизнис-соработката меѓу компаниите од двете земји.

– Ова значи дека секој електронски потпис издаден во Македонија ќе биде признаен како целосно валиден во Црна Гора, а истото ќе важи и обратно — секој електронски потпис издаден во Црна Гора ќе биде целосно валиден во Македонија. Сметаме дека на овој начин ќе ја олесниме комуникацијата меѓу двете држави и ќе придонесеме за подобрување на економските односи – рече Андоновски.