ФРАНЦИЈА ДАДЕ ДОЗВОЛА ЗА КОРИСТЕЊЕ НА НЕЈЗИНИТЕ БАЗИ НА БЛИСКИОТ ИСТОК Американските авиони и хеликоптери можат „времено“ да ги користат
Иран нападна две француски бази во Емиратите, но не е познато дали тоа било намерно, изјави француската министерка за одбрана Катрин Вотрин на радио RTL во четврток.
Франција „времено“ им дозволи на американските авиони и други видови авиони да ги користат нејзините бази на Блискиот Исток, во воеата акција што ја водат САД и Израел против Иран, изјави за АФП францускиот Генералштаб.
– Како дел од нашите односи со САД, присуството на нивните авиони е привремено одобрено во нашите бази во регионот. Овие авиони придонесуваат за заштита на нашите партнери во Заливот – изјави портпаролката на Генералштабот, потврдувајќи ја веста објавена од новинскиот канал LCI.
Терминот авиони ги вклучува сите видови авиони, како и хеликоптери.
Франција зазеде „строго одбранбен“ став од почетокот на конфликтот, според претседателот Емануел Макрон, кој во вторник вечерта најави распоредување на значајни воени средства, вклучувајќи го и носачот на авиони Шарл де Гол, во источниот Медитеран.
Францускиот претседател, кој тврди дека офанзивата што ја започнаа САД и Израел во саботата се спроведува „надвор од рамките на меѓународното право“, нагласи дека Париз мора „да преземе мерки за сопствената безбедност, безбедноста на своите граѓани и своите бази, како и безбедноста на своите сојузници во регионот“.
Франција, меѓу другото, е обврзана со одбранбени договори со Катар, Кувајт и Обединетите Арапски Емирати.
Иран нападна две француски бази во Емиратите, но не е познато дали тоа било намерно, изјави француската министерка за одбрана Катрин Вотрин на радио RTL во четврток.
Министерката рече дека шест авиони „Рафал“ пристигнале во Емиратите како засилување.
Спротивно на најавите на Емануел Макрон, француската левичарска опозиција предупреди на ризикот Франција да биде вовлечена во конфликтот.
Британскиот премиер Кир Стармер, кој беше остро критикуван од американскиот претседател Доналд Трамп за наводно несоработка, во среда изјави дека „американските авиони оперирале од британски бази“.
Шпанија, од друга страна, категорично одби таква логистичка помош за американските авиони.