ФАТЕНА НА ВЛЕЗ ВО „ИДРИЗОВО“ СО МАРИХУАНА Скопјанка не успеала да прошверцува дрога во затвор
Дрогата била откриена при преглед од затворската полиција во „Идризово“.
Скопјанка на возраст од 40 години се соочува со кривична пријава откако била фатена со марихуана при обид да ја внесе во затворот „Идризово“.
Од Министерството за внатрешни работи информираат дека СВР Скопје поднела кривична пријава против А.А. поради сомнение за неовластено производство и пуштање во промет на наркотични дроги, психотропни супстанци и прекурзори.
Можеби ќе ве интересира
Според полицијата, на 16 август 2025 година, затворската полиција во Затвор „Идризово“ извршила преглед на пријавената, при што била пронајдена и одземена марихуана.
Истражните органи се сомневаат дека дрогата требало да биде внесена во установата, а по целосното документирање на случајот против осомничената е поднесена соодветна пријава.