ШЕРОН СТОУН СЕ РАСПЛАКА НА ВИЕНСКИОТ БАЛ Блескавата атмосфера на Виенскиот оперски бал предизвика големи емоции кај холивудската ѕвезда

Холивудската актерка Шерон Стоун се расплакала на балот во Виенската опера кадешто присуствуваше како гостинка на австрискиот бизнисмен Карл Гушлбауер, познат и како Крал на крем-ролните. Притоа, накратко се вратила во својата хотелска соба, пред да седне во својата ложа, потврдија организаторите.

Според сведоците, се вели дека Стоун доживеала напад на паника.
Блескавата атмосфера на Виенскиот оперски бал предизвикала големи емоции кај холивудската ѕвезда која подоцна за телевизискиот канал ORF рекла: „Малку сум преплавена, искрено ми го одзеде здивот. Оваа вечер навистина ми го одзеде здивот на најнеобично прекрасен начин“.

Глумицата потоа го пофалила она што го опишала како чувство на единство и културна гордост на најзначајниот општествен настан во Австрија, нарекувајќи го „море од грациозност, елеганција и достоинство“.

Овогодишната свеченост на отворањето содржеше елементи од Бродвеј, вклучувајќи ја аријата „Марија“ и сцената на балконот од „Приказна од западната страна“ од Леонард Бернстин.

Балот се смета за водечки општествен настан во Австрија. Билетите чинат 410 евра, додека за премиум-пакетите се издвојуваат 26.000 евра. Околу 400 полицајци биле распоредени за обезбедување. На настанот присуствувал и австрискиот претседател Александар ван дер Белен.

Инаку, холивудската ѕвезда, која се наоѓа сред седмото десетлетие од својот живот, носела фустан инспириран од стилот на виенскиот сликар Густав Климт, дизајниран за неа од покојниот италијански моден дизајнер Валентино.

Нејзиниот домаќин, Карл Гушлбауер ѝ направил и обиколка на неговата фабрика, кадешто Лерд, синот на актерката кој бил со неа, ги пробал и се воодушевил од нивниот вкус.