РУСИЈА ГРАДИ НОВИ ГАРНИЗОНИ НА ГРАНИЦАТА СО ФИНСКА Подготовки за можен конфликт со НАТО
Градежните работи укажуваат дека објектот се подготвува за трајна употреба - изјави за Финската јавна телевизија воениот експерт Марко Еклунд, кој ги следи движењата на руските вооружени сили повеќе од 25 години.
Најнова Анализа објавена на Финската јавна телевизија покажува дека Русија започнала со обнова на гарнизон од советската ера во градот Петрозаводск, кој бил напуштен со години. Главниот град на Република Карелија е оддалечен околу 175 километри од финската граница и веќе има воздухопловна база и магацин за опрема.
Границата долга повеќе од 1.300 километри, која се протега низ зимзелени шуми и мочуришта, е најдолгата точка на контакт помеѓу Алијансата и руската сфера на влијание со влегувањето на Финска во НАТО. Финската јавна телевизија редовно анализира сателитски снимки за да ги следи руските активности, а најновата анализа открива значајни промени.
Во населбата Рибка во Петрозаводск, сега се исчистени големи површини шума и се забележани десетици воени возила.
– Градежните работи укажуваат дека објектот се подготвува за трајна употреба – изјави за Финската јавна телевизија воениот експерт Марко Еклунд, кој ги следи движењата на руските вооружени сили повеќе од 25 години.
Според него, гарнизонот би можел да се користи за сместување на новиот 44-ти армиски корпус, кој Русија планира да го воспостави во Карелија. Тој корпус треба да вклучува дополнителни 15.000 војници, на кои ќе им требаат сместување и полигони за обука. Покрај тоа, продолжуваат работите на воениот град во Кандалакша, за кој Финската јавна телевизија информираше минатата година.
Сателитските снимки покажуваат дека во гарнизонот Лупче-Савино се изградени неколку нови згради, на околу сто километри од финската граница во подножјето на полуостровот Кола. Еклунд смета дека проширувањето треба да се искористи за новата артилериска бригада и делови од инженерската бригада, со вкупно околу 2.000 војници.
Овие информации ги анализираше Институтот за проучување на војната (ISW) во еден од своите најнови извештаи.
„Русија гради воена инфраструктура во близина на финската граница, веројатно како дел од пошироките напори за воена експанзија за подготовка на руските вооружени сили за евентуален иден конфликт со НАТО“, пишува американскиот тинк-тенк, кој претходно известуваше за проширувањето на руската инфраструктура по должината на финската граница.
🇷🇺 🇫🇮 Satellite imagery shows that Russia is renovating/reconstructing an old military base in Petrozavodsk, near the border with Finland. According to Yle, the site is being prepared to accommodate up to 15,000 soldiers.
The territory of the garrison — abandoned since the 2000s… pic.twitter.com/edqURVfZ6V
— Kate from Kharkiv (@BohuslavskaKate) February 1, 2026