И ДАЛАЈ ЛАМА ДОБИ ГРЕМИ „Го примам ова признание со благодарност и понизност“

Тибетскиот духовен водач, Далај Лама (90), ја освои наградата Греми за најдобра аудио книга, нарација и снимка од раскажување за „Meditations: The Reflections Of His Holiness The Dalai Lama“ на 68-мата церемонија на доделува на Греми награди.

Тој му се придружи на режисерот Стивен Спилберг, како добитник на наградата Греми, за првпат.

Музичарот Руфус Вејнрајт ја прими наградата во име на Далај Лама за време на церемонијата.

– Добро, јас не сум Далај Лама, очигледно – се пошегува Руфус Вејнрајт од подиумот.

– Беше привилегија да учествувам во овој проект. Чест е да го прифатам ова признание во име на Неговата Светост Далај Лама, чија мудрост е во срцето на ова дело – рече тој.

Во меѓувреме, Далај Лама ја прифати победата на својот официјален Инстаграм профил, пишувајќи дека е „благодарен“ за победата на Греми и дека тоа ќе помогне во ширењето на неговата порака.

 

View this post on Instagram

 

A post shared by Dalai Lama (@dalailama)

– Го примам ова признание со благодарност и понизност. Не го гледам како нешто лично, туку како признание за нашата споделена универзална одговорност. Вистински верувам дека мирот, сочувството, грижата за нашата околина и разбирањето на единството на човештвото се неопходни за колективната одговорност за сите осум милијарди човечки суштества – напиша тој.

Далај Лама имаше сериозна конкуренција во оваа категорија, натпреварувајќи се против Фаб Морван од Мили Ванили, судијата на Врховниот суд на САД, Кетањи Браун Џексон, па дури и домаќинот на церемонијата на доделувањето на Греми, Ноа.

Албумот содржи кратки пасуси извлечени од разговори и списи кои се однесуваат на свесноста, хармонијата и благосостојбата.
Вејнрајт е еден од неколкуте музичари кои се појавуваат на проектот, заедно со Меги Роџерс и Андра Деј.