КОЈ ПИЕ, А КОЈ ПЛАЌА ВО СЕМЕЈСТВОТО КАРДАШИЈАН? Клои открива како Кардашијаните си ги делат сметките

Дали некогаш сте се запрашале како Кардашијанките меѓусебно си ги решаваат сметките? Дали тие, како обичните смртници, мора да си испраќаат пари преку апликации по секој ручек или шопинг? Клое Кардашијан откри во искрено видео дека нивниот систем е многу поедноставен и базиран на доверба.

Ротација наместо апликации

Додека многумина од нас се наоѓаат во ситуација кога мора да пресметаме кој последен платил за кафе, најпознатото риалити семејство во светот се чини дека нема такви проблеми.

Во видео на нејзиниот Јутјуб канал, Клои Кардашијан објасни како таа и нејзините сестри се справуваат со проблемот со плаќањето, истакнувајќи дека не ги користат популарните апликации за трансфер на пари.

– Моите сестри и јас не си испраќаме пари. Но, секогаш се менуваме, никогаш не би одела со некоја од моите сестри и не би очекувала таа секогаш да плаќа. Секогаш ротираме, никогаш не е проблем, сите навистина се почитуваме – рече таа.

На крајот сè се средува

За да го илустрира нивниот опуштен пристап, Клои сподели неодамнешен пример од училиштето на нејзините деца.

– Во училиштето на моите деца, сите мои браќа и сестри, сите нивни деца, сите одиме во исто училиште, а петоците се ден за облека со обележја на училиштето. Имаат мала продавница што прифаќа само готовина. А Ким, на пример, немаше пари, па јас реков: „Ќе ги земам јас, во ред е“, а таа рече: „Ќе ти вратам, ќе го замолам мојот бизнис менаџер да ти ги даде парите“, рече Клои.

Сепак, таа објасни дека Ким никогаш не ѝ ги вратила парите – ниту пак таа ги очекувала, но затоа во друга пригода таа платила некои работи за неа.

– Дозволи ми да ти го купам ова, бидејќи ти ми ги купи тие работи – објасни Клои, забележувајќи дека работите секогаш некако се изедначуваат.

– Секогаш сме свесни дека некој друг троши пари, не се искористуваме една со друга. Се осмелувам да кажам, ние сме нормални во тој поглед, се почитуваме една со друга – заклучи таа.

Па така, наместо да ја следат секоја пара, сестрите се потпираат на меѓусебната доверба и великодушност.