СООБРАЌАЈОТ КОН ЌАФАСАН УШТЕ Е ВО ПРЕКИН Правецот Штип-Кочани прооден по синоќешната сообраќајка
Правецот кон и од граничниот премин Ќафасан е уште во прекинг, додека правецот Штип-Кочани на магистралниот пат А3 е отворен по вчерашниот прекин. На сила уште е и измената на режимот на сообраќајот за делницата Прилеп-Битола на Коридор 10. Сообраќајот се пренасочува по регионалниот пат P1101.
Сообраќајот кон ГП Ќафасан уште е во прекин во двата правци поради сообраќајна незгода, соопшти Автомото сојузот на Македонија. Вчера, 30 декември,кон пладне, цистерна се преврте на патот, блокирајќи го пристапот до Ќафасан од Струга.
Oд друга страна, утринава, 31 декември, отворен е за сообраќај магистралниот пат А3 Штип-Кочани кој беше во прекин од 20.30 часот вчера поради сообраќајна несреќа. Две повредени лица се однесени во штипската меѓу селата Долни Подлог и Тракање.
Од вчера, од 15:00 часот, има измена на режимот на сообраќајот на Коридор 10, на делницата Прилеп–Битола, при што сообраќајот е пренасочен по регионалниот пат Р1101.
Патниот правец Охрид – Ресен преку националниот парк Галичица од 21.11.2025 до 31.03.2026 година се затвора за сообраќај за сите видови возила.
Сообраќајот на останатите државни патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.