📽️ ХОРОР СЦЕНИ ОД ЈАПОНСКИ АВТОПАТ Се судрија 50 возила, дел од нив горат, има и жртви

Две лица загинаа, а 26 се повредени во сообраќајна несреќа во која учествувале повеќе од 50 возила на автопат во префектурата Гунма, северозападно од Токио, соопшти полицијата.

Несреќата се случила синоќа на излезот од автопатот Кан-етсу во Минаками, кога камион е судрил со друг камион кој застанал на патот по претходна несреќа со едно возило, што довело до серија судири на растојание од околу 300 метри.

Најмалку 10 возила се запалиле, а пожарникарите се бореле со пожарот повеќе од седум часа.

Меѓу загинатите е 77-годишна жена од Токио која била на задното седиште од автомобил управуван од член на семејството, додека телото на друга жртва било пронајдено на возачкото седиште од голем камион.

Дваесет и едно лице се здобило со полесни повреди, додека петмина се во сериозна состојба.

Japan: Major accident on Kanetsu Expressway outbound line in Minakami Town, Gunma Prefecture, several injured – NHKpic.twitter.com/QJb9qu9szx

— Volcaholic 🌋 (@volcaholic1) December 26, 2025

По несреќата, дел од автопатот беше затворен, а излезната лента беше блокирана од тешко оштетени возила, од кои некои беа изгорени до непрепознатливост, објави „Кјодо“.

Во времето на несреќата, на возачите им беше советувано да возат со брзина до 50 километри на час поради снежните услови.

Massive Fiery Pileup on Kanetsu Expressway Leaves One Dead, Dozens Injured.

Minakami, Gunma Prefecture, Japan – A devastating multi-vehicle collision involving dozens of cars and trucks turned into a fiery inferno on the Kanetsu Expressway on December 26, 2025, claiming one life… pic.twitter.com/s4dBirZbMY

— JAS (@JasADRxquisites) December 26, 2025