МЕТЕОРОЛОЗИТЕ НАЈАВУВААТ ОБИЛНИ ВРНЕЖИ Метеопрогнозерот Славчо Попоски предупредува на опасност од поплави

Прогнозите на УХМР и на Славчо Поповски се разликуваат во поглед на драматичноста на предупредувањата, но поплавите во Словенија и во Италија укажуваат дека циклонот Џенова опасно се заканува.

Од плусинфо Објавено 17/11/2025 14:17:05

Под влијание на серија влажни воздушни бранови, до крајот на седмицата, следува период на променливо облачно и релативно топло време, со повремени локални врнежи од дожд, соопшто Управата за хидрометеолошки работи (УХМР).

Наместа врнежите ќе бидат пообилни, локално со услови во форма на невреме со засилен ветер (над 60 километри на час) и ретки грмежи. Во текот на следните 24 часа се очекува да наврне поголемо количество дожд (над 30 литри на метар квадратен. Ќе дува умерен до засилен ветер од јужен правец.

Во Скопје, следува период на променливо облачно време со повремени врнежи од дожд кои во делови од котлината ќе бидат пообилни (15 до 25 литри на метар квадратен). Ќе дува умерен, а во делови од котлината повремено засилен ветер од јужен правец.

Метеопрогнозерот Славчо Попоски предупредува дека вечерва и особено од вторник Македонија ќе биде под влијание на циклон од Џенова кој ќе условува многу обилни врнежи во текот на целата недела. Тој вели дека постои опасност од подигање на нивото на реките и на езерата, бидејчи за некои места тој најавува неверојатни 400 литри дожд на квадратен метар.

Можеби ќе ве интересира

ДЕНЕСКА СОНЧЕВО И ТОПЛО, ОД ВТОРНИК ПОЧНУВААТ ВРНЕЖИ На…

плусинфо 16/11/2025

НОВА ПРОМЕНА НА ВРЕМЕТО Од вторник обилни врнежи и грмежи

плусинфо 15/11/2025

– Сфатете го ова сериозно, бидејќи се работи за екстремно големо количество на воден талог – вели Попоски.

Во објава на Инстаграм Попоски исто така најавува дека можни се снежни наноси во пониските места уште од 22 ноември.

View this post on Instagram

A post shared by Славчо Попоски (@slavchopoposki)