📷 САМО ТРАМП МОЖЕ ДА ГО НАСМЕЕ ЏИНПИНГ, НО СО ШТО? Кинеските медиуми не ги објавија фотките на Белата куќа
Во просторија полна дипломати, американскиот лидер му покажа парче хартија на кинескиот колега, но никој не знае што има на неа.
Насмевката на кинескиот претседател Си Џинпинг ретко се појавува пред камерите. Но, овојпат, објавените фотографии од Белата куќа покажаа нешто што државните медиуми во Пекинг внимателно го кријат – момент на човечка спонтаност.
Снимено на самитот на АПЕК во Јужна Кореја, Си стои покрај Доналд Трамп и се смее со затворени очи.
Во просторија полна дипломати, американскиот лидер му покажува парче хартија, а никој не знае што има на неа. Овој миг ја открива другата страна на човекот кој речиси никогаш не ја напушта својата маска на строгост, јави Си-Ен-Ен.
The White House has shared photos of Donald Trump and Xi Jinping’s first face-to-face meeting in more than six years, including this intriguing sequence.
h/t @ByChunHan https://t.co/r8LBbIa0i3 pic.twitter.com/ZBAOSnlygu— Jonathan Cheng (@JChengWSJ) October 31, 2025
Понатаму, камерите забележале уште еден редок момент од самитот. За време на средбата со јужнокорејскиот претседател Ли Џае Мијонг, Си добива подарок – дрвена табла за играта Го. Одговара со шега. Кога Ли го прашува „Колку се безбедни вашите телефони?“, Си насмеан возвраќа:
– Може да проверите дали има задeн влез – изјави тој.
🇨🇳🇰🇷 XI GIFTS AND JOKES
President Xi Jinping gifts two “flagship Xiomi phones” to the South Korean president Lee Jae-myung and his wife.
Lee asks: “How is it with security?”
Xi replies: “Check if the phones have a back door”
— Lord Bebo (@MyLordBebo) November 1, 2025
Кинескиот лидер Си внимателно го гради својот имиџ на непоколеблив и дисциплиниран лидер, ваквите моменти не смеат да се појават во домашните медиуми. Кинеските новинари знаат дека секоја спонтана гестикулација може да биде толкувана како слабост.
Од друга страна, неговиот претходник Ѓијанг Земин важеше за шармантен и духовит, често во дијалог со новинари.
Според соопштението на Белата куќа, САД и Кина на средбата во Бусан во Јужна Кореја се согласија на едногодишно примирје во трговската војна. Кина треба да го одложи воведувањето на извозните контроли за редки земјишта, додека САД ќе ги намалат и потоа ќе ги замрзнат тарифите за една година.