ДРОНОВИ НОЌЕ ЛЕТАЛЕ НАД ГЕРМАНСКА ПОКРАИНА? Продолжува неизвесноста по инцидентите во Данска и во Полска

Аларм се активираше во германската покраина Шлезвиг‑Холштајн откако ноќеска имало пријави за забележани неидентификувани дронови, јави Ројтерс. Инцидентот доаѓа денови по слични прелети на беспилотни летала над Полска и над Данска.

Сабине Цетерлин‑Вак, министерката за внатрешни работи на покраината изјави дека државата истражува дали дроновите имале шпионска или саботажна функција, како што рече, делумно поради неодамнешните инциденти во Данска и други европски земји.

Германската покраина граничи со Данска на северот на земјата.

Во последните недели, над 20 руски дронови навлегоа во воздушниот простор над Полска на 9. и 10. септември, што резултираше со подигнување на авиони на НАТО и соборување на неколку летала.

Drones Spotted Over Germany

According to broadcaster NDR, unidentified drones were observed in the state of Schleswig-Holstein in northern Germany, near the border with Denmark, where drones had been detected previously.

State Interior Minister Sabine Sütterlin-Waack stated… pic.twitter.com/oQ5hUYmw2a

— NEXTA (@nexta_tv) September 26, 2025

Германската влада најави засилување на воздушната безбедност на источниот кордон на НАТО, особено во полските воздушни коридори.

— Ппокрај постојните обврски во балтичките земји и Полска, ќе ја прошириме воздушната полиција над Полска – порача портпарол на германската влада.

Во Данска, пак, дронови беа забележани над аеродромите Копенхаген и Олборг на 22. и 25. септември, поради што беа прекинати сите летови, а властите го оквалификуваа инцидентот како „најсериозен напад на критична инфраструктура“.

Според Би-Би-Си, не е исклучена руската вмешаност, иако не се пронајдени докази.

Истовремено, НАТО интензивираше воздушни патроли долж источниот фронт. Британија, Франција и Германија обезбедија дополнителни ресурси и авиони, со цел да се одврати понатамошна ескалација.