ПОЛИЦАЕЦ КУПИЛ ПОЛОВНО ВОЗИЛО, МУ СЕ РАСИПАЛО, ПА МУ СЕ ЗАКАНУВАЛ НА ПРОДАВАЧОТ Колегите му го одзеле службениот пиштол
Одделот за внатрешна контрола криминалистички истраги и професионални стандарди ќе поднесе предлог за поведување постапка за кршење на работниот ред и дисциплина и ќе изрече задолжителни мерки отстранување од работното место до завршување на дисциплинската постапка.
Полицаец од Велес се заканувал на човек од кого купил половно возило кое по некое време се расипало, соопшти полицијата.
Како што соопшти полицијата, С.А. на 31.08.2025 со намера да вознемири или заплаши сопственик на сервис за продажба и поправка на возила од кого купил половно возило, му упатил закани на него и на членови од неговото семејство. Полицаецот тврдел дека за возилото добил гаранција дека е во исправна состојба, но дека кратко време по продажбата при управување настанал дефект.
На полицискиот службеник С.А. одземено му е службеното оружје со кое бил задолжен. Одделот за внатрешна контрола криминалистички истраги и професионални стандарди ќе поднесе предлог за поведување постапка за кршење на работниот ред и дисциплина и ќе изрече задолжителни мерки отстранување од работното место до завршување на дисциплинската постапка.
Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство Велес поднесе кривична пријава против С.А., на работно место полицаец во Полициска станица од општа надлежност Велес, поради постоење основи на сомнение дека сторил кривично дело „загрозување на сигурноста“ по член 144 став 2 во врска со ст.1 од Кривичниот законик.